Коръән яндыручы пасторны Германиягә кертмәскә булдылар

Коръән китабы нөсхәләрен яндыру белән танылган пастор Терри Джонска Германиягә юл ябылды.

БӘЙЛЕ
2012 Сен 17
Коръән китабы нөсхәләрен яндыру белән танылган пастор Терри Джонска Германиягә юл ябылды. Lenta.ru агентлыгы Agence France-Presse га сылтама ясап аңлатуынча, Германиянең Эчке Эшләре министрлыгы мондый карарны "җәмәгатьчелек иминлеге мәнфәгатьләрен саклау” өчен чыгарган.
Джонс Германиягә ультрауң "Pro Deutschland” оешмасы чакыруы буенча килергә тиеш иде. Әлеге оешма шулай ук бу илдә "Невинность мусульман» дигән исламга каршы фильмны да күрсәтмәкче булган. Сүз уңаеннан, Германия ЭЭМ башлыгы законда бу чараны тыярга мөмкинлек бирә торган маддәне табарга тырышулары турында белдергән.
"Невинность мусульман» фильмы АКШта 11 сентябрьдәге терактка багышлап төшерелгән. Бу тасма киң катлау укучыларына дип билгеләнмәсә дә, ул дөньяның күп илләрендә ризасызлык акцияләре китереп чыгарды. Аны мөселманнарны мыскыл итү дип таптылар.
Кайбер илләрдә хәтта Америка илчеләренә һөҗүм итүләр булды. Әйтик, Ливиянең Бенгази каласында АКШ илчелегенә һөҗүм вакытында аның 4 хезмәткәре үтерелде. Алар арасында илче Кристофер Стивенс та бар иде.
Пастор Терри Джонс соңгы берничә ел эчендә үзенең исламга каршы көрәше белән танылды. 2010 елда ул Коръәнне яндырырга ниятләве хакында тәүге тапкыр белдерде. 2011 елның мартында уйлаганын тормышка ашырды. Бер айдан соң, суд карары булып, аңа 3 ел эчендә мәчеткә якын килү тыелды. 2012 елның апрелендә Терри Флоридада кабаттан изге китапның берничә данәсен һәм Пәйгамбәрнең рәсемен яндырды.

Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе