Корылтайда Татарстан Президенты Рөстәм Миңнеханов катнашты һәм чыгыш ясады.
Камил хәзрәт соңгы ике елда Татарстан мөфтиятенең нәшниятына җитәкчелек итте. Ул 2000-2003 елларда Казанның "Мөхәммәдия” мәдрәсәсендә белем ала. 2003 елда Дагыстандагы Төньяк Кавказ ислам университетына укырга керә, аннан Төркиягә күчә. 2007 елга кадәр Истанбулның "Исмаил ага” мәчете каршындагы кадимчеләр мәдрәсәсендә суфый шәех Мәхмүд әл-Уфида укыган. Тумышы белән Мари Иленнән, үзлегеннән татар телен өйрәнгән. Соңгы вакытта Россия Ислам университетының шәригать фәннәре факультетында белем алган.