Галимнәр Җиргә охшаш планетаның булуы турында ачыш ясады

Кичә, ягъни 23 июльдә космик киңлекне тикшерү һәм очу буенча милли идарә (NASA) үзенең сайтында Җиргә нык охшаш экзопланета табуы хакында хәбәр итте. Бу ачыш Kepler телескопы ярдәмендә башкарылган.

Җиргә охшаш Kepler 452b планетасы үзенең күрсәткечләре белән Кояшка охшаш булган йолдыз тирәсендә әйләнеп йөри. Галимнәр әлеге планетада аксымның булуын кире кага алмый. Kepler 452b планетасы нибары 1,6 мәртәбә Җирдән зуррак. Ул Җирнекенә охшаш орбита буенча йолдыз тирәсендә әйләнеп йөри (орбитасы Җирнекенә караганда бары тик 5 %ка озынрак). Димәк, андагы бер ел 385 Җир көненә тигез.

Бу планетаның зур булмаган күләме галимнәргә әлеге күк матдәсенең каты токымнан торуы хакында фараз кылырга мөмкинлек бирә.

Kepler 452b планетасы үзенең Kepler-452 дип аталган “Кояшы”ннан, Җир белән Кояш арасына караганда 5%ка ераграк урнашкан. Kepler-452 йолдызына – 6 миллиард ел, ул Кояшка караганда 1,5 миллиард яшькә олырак. Шулай ук ул 20 %ка яктырак һәм Кояш диаметры белән чагыштырганда, 10 %ка зуррак.

Әлеге Kepler 452b – булуы расланган 1030 нчы планета, дип хәбәр итте “Ведомости”.