Дәүләт Думасына умартачылык турында закон проекты кертелде

РФнең Дәүләт Думасына умартачылык турында закон проекты кертелде. Әлеге документ парламентның түбәндәге палатасына бер төркем депутатлар тарафыннан кертелде, дип хәбәр ителә «Россельхознадзор»ның Татарстан Республикасы идарәсенең рәсми сайтында.

Аерым алганда, биредә “умартачылык”, “бал кортлары”, “бал корты гаиләсе”, “умартачылыкны урнаштыру планы” һәм башка шундый төшенчәләргә аңлатма бирү күз уңында тотыла. Шулай ук дәүләт тарафыннан умартачылык мәсләге ныгытылыр, дип фараз кылына.

Моннан тыш, документта умартачылык өлкәсендә дәүләт хакимияте органнары вәкаләте һәм авыл хуҗалыгында умартачылык кагыйдәләренең бердәм дәүләт сәясәтен барлыкка китерү һәм бал кортлары нәселен үрчетү, тәртиптә тоту, дәүләт тарафыннан бал кортлары гаиләсен исәпкә алу һәм башкалар язылачак.
Умартачылык законы пректы бал кортларын үрчетү өчен җир бүлеп бирү, умартаның паспортын булдыру һәм башка кирәкле документларны да күз уңында тотачак.

Бу федераль закон хупланган очракта, 2026 елның 1 гыйнварыннан үз көченә керәчәк, дип хәбәр итте “Татар-информ”.