Быелгы хаҗ 138 мең сумны тәшкил итәчәк

Күптән түгел Казан мөселманнары имамнарының җыелышы булды.

БӘЙЛЕ
2013 Фев 09
Күптән түгел Казан мөселманнары имамнарының җыелышы булды. Мөхтәсибәт утырышына башкаланың әһле ислам мөхтәсибе Мансур хәзрәт Җәләлетдин рәислек кылды.

Әлеге дини мәҗлестә «Сөләйман» мәчетенең икенче имамы Ибраһим хәзрәт Шаһимәрданов катнашты. Ибраһим хәзрәтнең сөйләвенчә, мөхтәсибәт утырышында 4 көн тәртибе – быел изге урыннарга хаҗ кылу, имамнарның барлык яктан да мөселманнарга үрнәк күрсәтергә тиешлеге, мәчет-мәдрәсәләрнең низамнамәсен, имамнарның шаһәдәтнамәсен үз вакытында булдыру, һәр гыйбадәтханәдә дини уку-укытуны җайга салу һәм башка мәсьәләләр каралды.

Беренче көн тәртибе буенча Абдулла хәзрәт чыгыш ясап, быелгы хаҗның юлламасы бер кешегә 138 мең сумны тәшкил итәчәге турында хәбәр ирештерде. Азмы бу, әллә күпме? Һәм ул акчалар нинди максатларда тотыла? Ягъни бу сумма ни өчен нәкъ 138 мең булып чыга? Шул кадәрле акча түләгән кешенең әлеге сорауларга җавап табасы киләчәк? Абдулла хәзрәткә мондый сорауларны аның адашы, "Нурулла” мәчетенең имам-хатибы Габдулла хәзрәт Галиулла бирде.

Калган көн тәртипләре буенча 2 атна авырганнан соң, сәламәтләнеп эшкә чыккан мөхтәсиб Мансур хәзрәт чыгыш ясады. Ул Казан имамнарын әдәпле-әхлаклы булырга, бер-берсе турында гайбәт сөйләмәскә чакырды, аларга мәчетләрнең низамнамәсен (уставын), дин әһелләренә шаһәдәтнамәләрне булдырырга кирәклеге хакында белдерде.

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2021 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе