“Булгария”да кызын югалткан Татарстан кешесе мәчет ачты

Татарстанның Биектау районы Шәпше авылында “Булгария” фаҗигасендә һәлак булганнар истәлегенә...

БӘЙЛЕ
2012 Окт 16
Татарстанның Биектау районы Шәпше авылында "Булгария” фаҗигасендә һәлак булганнар истәлегенә мәчет ачылды. Яңа мәчетне Альберт Тазов ачкан, ул төп инвестор да, идея бирүче дә булып тора. Аның "Булгария” фаҗигасендә бердәнбер кызы, кияве һәм оныгы һәлак булган.

"Татар-информ” МА хәбәрчесе белән әңгәмәдә Альберт Тазов хәбәр иткәнчә, мәчетне аның әнисе хөрмәтенә "Мәдинә” дип атаганнар. "Мин нәтиҗә белән канәгать кенә булып калмадым, минем күңелемә рәхәт булды. Кызым һәм оныгымның үлеменнән соң, мин кая барырга, үземне кая куярга белмәдем. Шуңа күрә мәчет проектын тиз арада эшләүләрен сорадым. Бер ел эчендә без аны төзедек. Фаҗиганең бер еллыгына төзергә теләдем, ләкин өлгермәдек, шуңа күрә бераз соңрак ачтык”, - дип хәбәр итте А.Тазов.

Мәчеттә шулай ук уку классы бар. "Моның барысы да халык өчен, авыл халкы балаларын укытсын өчен, шуңа күрә парталар куйдык”, - дип хәбәр итте ул.

"Инде күптән сүзләр йөрде, мәчет төзергә кирәк, дип кешеләр сөйләде. Ярдәм сорап, миңа мөрәҗәгать иттеләр. Ләкин тормыш мондый эшләр эшләргә этәрмичә... Мин коммунистик чорда тәрбияләнгән. Хәзер күңелдә рәхәт булды”, - дип уртаклашты һәлак булган Эльвира Кисилеваның әтисе.

Мәчетнең архитекторы – "Кол Шәриф” мәчете проекты авторларының берсе - Айвар Саттаров. Мәчетнең рәсми ачылышында район хакимияте вәкилләре, дин әһелләре, "Булгария”да һәлак булганнарның туганнары, җирле халык катнашты.
Чыганак: "Татар-информ"

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе