Болгарга ЮНЕСКО билгесен тапшыру уңаеннан, зур бәйрәм көтелә

Болгар тарих-археология комплексын ЮНЕСКО Бөтендөнья мирасы исемлегенә кертү уңаеннан, быелның августында Болгарда киң күләмле чара узачак. Бу хакта кичә Татарстан Дәүләт Киңәшчесе, республиканың “Яңарыш” фонды советын оештыру рәисе Минтимер Шәймиев Казан Кремлендә үткәрелгән матбугат конференциясендә хәбәр итте.

Әлеге бәйрәм чарасы Болгар тарих-археология комплексына, кешелекнең ЮНЕСКО мәдәни мирасы һәйкәле буларак рәсми рәвештә танылу һәм бу оешманың билгесе сертификатын тапшыру уңаеннан оештырылачак.

“Без бу яхшы хәбәрне алу белән үк Рөстәм Миңнеханов белән август аенда ЮНЕСКО билгесен тапшыру уңаеннан бәйрәм үткәрү турында сөйләштек һәм килештек. Бу ихлас күңелдән уздырылган бәйрәм булачак”,-дип билгеләп узды Минтимер Шәймиев. Әлеге чарада барлык иганәчеләр дә, эшне башкаручылар да катнашачак, шулай ук ЮНЕСКО вәкилләре дә килер дип көтелә.

Болгарда ЮНЕСКО билгесен урнаштыруга кагылышлы мәсьәләгә килгәндә, Дәүләт Советы Киңәшчесе сүзләренчә, хәзергә ике төрле вариант карала. Аннары алар ЮНЕСКО институты хезмәткәрләре белән килештереләчәк.

“Татар-информ”нан алып тәрҗемә ителде