Болгарда Мөселман яшьләре форумы кысаларында, Коръән укучылар бәйгесе уздырылды

Мөселман яшьләре арасында элемтәләр булдыру, бабаларыбыз Ислам кабул иткән тарихи җирдә рухи мирасыбызны җиткерү максатыннан оештырылган җыенда Коръән уку үзе бер күркәм гамәл булды.

Кызлар арасында Казаннан Илюсә Фәйзуллина, Гөлназ Гыйлфанова һәм Менделеевскидан Мария Иванова Изге Китапны укуда үрнәк күрсәттеләр.

Егетләр арасында түбәндәгеләр җиңде:

Раил Галәвов (Кайбыч) - 1 нче урын;

Бәкир Адилов (Крым, Алушта) - 2 нче урын;

Салих Зиннәтуллин (Яшел Үзән) - 2 нче урын;

Рафис Миңнуллин (Тәтеш) - 3 нче урын;

Динар Рафиков (Мөслим) - 3 нче урын.

Татарстан мөфтие Камил хәзрәт Сәмигуллин кичә, 23 июльдә, мөселман яшьләре белән очрашканда җиңүчеләрне котлап, бүләкләр тапшырды, дип хәбәр итте Диния нәзарәте матбугат хезмәте.