2013 Дек 24
Классик шагыйрь Хәсән Туфанның (1900-1981) туган көненә багышлап, аның туган төбәге булган Татарстанның Аксубай районы Иске Кармәт мәктәбендә традицион атналык уздырылган. Татарның күпне күргән мәшһүр улларының берсе Х.Туфан иҗатына мөкиббән булган яшь буын мәктәп чараларында тагын бер кабат аның иҗатына мөрәҗәгать итте, тормышы белән кызыксынды. Татар теле һәм әдәбияты укытучысы Фәнүзә Ишмөхәммәтова авылдаш шагыйрьнең җиңелләрдән булмаган тормыш юлы, иҗат баскычларына багышланган дәрес-презентация уздырды. Укытучы Евгений Белов оештырган шигырь укучылар конкурсы хисси дулкыннарда булып чыкты, ә Энҗе Мәрдиева әзерләгән тематик күргәзмәдә яшь рәссамнар үзләренең иллюстрацияләрен тәкъдим итте, дип белдерә ТР муниципаль берәмлекләр порталы.
Бу чарадан мәктәп китапханәсе дә читтә калмаган: анда "Һәрчак безнең белән янәшә” дип аталган китап-журнал күргәзмәсе укучылар хозурына куелган. Иске Кармәттә 1987 елда ачылган Хәсән Туфан музее булуын да искәртик.
Хәсән Туфан атналыгы программасы кысаларында, физкультура укытучысы Владимир Ильменюков җитәкчелегендә шашка һәм шахмат буенча район турниры уздырылып, анда Иске Кирмәтнекеләр призлы урыннар алган дип хәбәр итте "Татар-информ".
Алмаз Шәвәлиев: «Миңа бөтен нәрсәне тотып карарга кирәк».
КДУдан өлкән уку йорты. Буа — татар Сорбоннасы.
Ул тиле түгел!..
Шикәр чиреннән сукырайган хәләл җефете өчен яраткан ире 2 ел эчендә меңләгән чәчәк утырткан
Чулпан Габделганиева: “Булмышка бирешмичә яшәргә өйрәндем"
Милләтара дуслык, Ватан теле
Тәкъвалык хакында
Тәравих намазы
Тоткан уразаларыбызның әҗерен киметмик
Кадер кичәсе якынлаша
Хөсәен Фәезханов
Яшелчә, балык, сөтле азыклар ашау файдалы
Рамазан ае - сабырлык ае
Тиздән Рамазан: УРАЗА КАГЫЙДӘЛӘРЕ!
Мәдрәсәләр академия кебек булган
Барда да бар да матур
Сак булыгыз, контент! — Татарстан башкаласында Урта Азия журналистлары җыелды
