5 сентябрьдән Казанда һәм Чаллыда көзге авыл хуҗалыгы ризыклары ярминкәсе башлана

5 сентябрьдән Казанда һәм Чаллыда көзге авыл хуҗалыгы товарлары ярминкәсе башлана. Татарстанның Авыл хуҗалыгы министрлыгыннан алынган мәгълүматларга караганда, ярминкәдә сыер итен 250-300 сумнан сатып алырга мөмкин булачак.

Авыл хуҗалыгы министрлыгында үткәрелгән киңәшмәдә әйтелгәнчә, быел кош ите – 110 сум, күркә ите 200 сумга сатылачак. Сыер итен – 250-300 сумга, сарык итен 300-350 сумга алып булачак. Югары категорияле йомырка өчен – 50 сумны, беренче категориялесе өчен 42 сумны чыгарып бирергә туры киләчәк.

Күргәзмәдә сөтнең 1 литры 28 сум торачак. Сырның 1 килограммын 280-300 сумга алып булачак. Сыер маеның 1 килограммы өчен 250-280 сумны чыгарып бирергә туры киләчәк. Шикәр комының 1 килосы 48 сум торачак.

Югары сортлы онның 1 килосы өчен 20 сумны бирәсе була. Борчак ярмасының бәясе дә шундый ук. Арпа ярмасының бәясе – 16 сум, карабодайныкы – 47 сум.

Бәрәңгене 12 сумга да сатып алырга мөмкин булачак. Кишер, чөгендер, башлы суганның 1 кило бәясе – 15 сум. Кәбестә һәм бодайның 1 килосына 9 сумлык бәя куелган. Арпа ярмасы – 8 сумнан, солы 6 сумнан сатылачак.

Балыкның (карп) 1 кило бәясе 160 сум торачак, дип хәбәр итә “Татар-информ”.