
Быел Татарстанда Ураза һәм Корбан бәйрәмнәрен билгеләп үтү көннәре тәгаенләнгән. Бу хакта Татарстан Президенты Рөстәм Миңнеханов Указ имзалаган.
ТРның “ТР бәйрәм көннәре һәм истәлекле даталары турында” законының 1 нче маддәсе нигезендә, 2016 елның 5 июле ай календарена туры китереп һәм традиция буенча Ураза гаетен бәйрәм итүнең беренче көне буларак билгеләнгән. 2016 елның 12 сентябре - Корбан бәйрәме башланасы көн.
525 нче номерлы указ ТР Президенты Рөстәм Миңнеханов тарафыннан 11 июньдә имзаланган, дип хәбәр итте "Татар-информ".