1. Баш казый вазыйфасына дәгъва кылучы кандидат, утырыш беркетмәсенә нигезләнеп, Үзәкләшкән дини оешма - Татарстан Республикасы мөселманнары Диния нәзарәтенә кергән Җирле мөселман дини оешмасының Мөхтәсибәт җыелышы тарафынан тәкъдим ителә.
2. Баш казый вазыйфасына дәгъва кылучы кандидат дини һәм дөньяви белемгә ия булырга, Баш казый вазыйфасына дәгъва кылу процедурасына кадәр 5 ел дәвамында берөзлексез дини өлкәдә җитәкче вазыйфаларын башкарган, хөкемгә тартылмаган, намуслы һәм вөҗданлы, сәяси партияләрдә тормаган, намусын шик астына куярга сәбәп булырлык элемтәләргә һәм гаеп итәрлек гамәлләргә ия булмаска тиеш.
3. Баш казый вазыйфасына дәгъва кылучы кандидат Казан шәһәре, Габдулла Тукай урамы, 38нче йорт адресы буенча урнашкан оештыру комитетына алып килергә тиешле документлар:
А) Билгеләнгән формада шәхси гариза (төп нөсхә).(Кушымта №1)
Б) Паспорт – төп нөсхә.
В) Рус телендә автобиография – төп нөсхә.
Г) Татар телендә автобиография – төп нөсхә.
Д) Дөньяви белем турында документ – төп нөсхә.
Е) Дини белем турында документ – төп нөсхә.
Ж)Хезмәт кенәгәсе – төп нөсхә.
З) Хөкемгә тартылу/тартылмау турында һәм җинаятьчелек өчен эзләнү яки эзләнүләрнең тукталуы турында белешмә – төп нөсхә.
И) Хәзерге вакытта эшләгән урыннан белешмә - төп нөсхә.
К) Наркологта учетта тору/тормау хакында белешмә – төп нөсхә.
Л) Психиатрда учетта тору/тормау хакында белешмә – төп нөсхә.
М) Татарстан Республикасы мөселманнары Диния нәзарәтенә кергән Җирле мөселман дини оешмасының Мөхтәсибәт җыелышының беркетмәсе.
Н) Шәхси мәгълүматларны эшкәртүгә ризалык.
4. Документлар кабул итү буенча оештыру комитетының эш графигы: 2017 елның 13 гыйнварыннан 13 февральгә кадәр дүшәмбедән алып җомгага кадәр 9 сәгать 30 минуттан 11 сәгать 30 минутка кадәр һәм 14 сәгатьтән 16 сәгатькә кадәр.
Мәгълүмат ТР мөселманнары Диния нәзарәтенең сайтыннан алынды.