Татарстан милли китапханәсе хисабына Печән базары мәчетенә манара куйдырдык - Разил Вәлиев

Бүген Татарстан мөфтияте матбугат хезмәте "Саматов укулары"нда Татарстан Диния нәзарәтенең "Рухи мирас" бүләгенә Татарстан Дәүләт Советының мәгариф, мәдәният, фән һәм милли мәсьәләләр комитеты рәисе Рәзил Вәлиев лаек булуын хәбәр иткән иде. Әлеге бүләк дин өлкәсендә зур тырышлык куйган, рухи мирасыбызны саклаучы шәхесләргә тапшырыла.

БӘЙЛЕ
2016 Ноя 03. Фото:Инфо-Ислам

Бүләкне тапшыру вакында Разил Вәлиев үзенә бүләк бирелүе турында ишеткәч гаҗәпләнеп калуы хакында әйткән.

- Мин турыдан-туры дин әһеле түгел бит. Халык аңлар микән дип, бер төн йокламадым.

Дин өлкәсендә нинди эшләр башкардым дип уйлый торгач, кайбер нәрсәләр искә төште. Безнең әнкәй ягы бик дини иде. Әнием биш намазын калдырмады. Ул, мәчет манарасын алгач, айны яшереп куйган. Әле коммунистлар заманында 1979 елда, китабымны чыгаргач, авылга кайтып, шул китапның гонорар акчасына үзебезнең авыл мәчетенең манарасын торгызган идем.

Шуннан, Казанга кайткач, Мәрҗани мәчетенә барып, Габделхак хәзрәткә бу хакта сөенеп сөйләдем. Ул вакытта, бигрәк тә 80 нче еллар ахыры-90 нчы еллар башында, Габделхак хәзрәт белән бик тә аралашып яшәдек.

Ул чакта мин Татарстан Милли китапханәсен җитәкли идем. Хөкүмәт карары белән безгә Печән базары мәчетен бирделәр. Без анда борынгы китапларны сакладык. Татарстан Милли китапханәсе хисабына Печән базары мәчетенә манара куйдырдык. Ул хәзер дә бик матур тора.

Аннары, китапларга урын җитмәгәч, Гали мәчете, Баруди мәчетен бирергә уйлаганнар иде, аларына инде куәтебез җитмәде. Менә аларны хөкүмәтебез белән бергә мөфти хәзрәтләре бик матур итеп төзекләндереп куйдылар. Безнең комитет эшчәнлеге дә дини эшләр белән бәйле. Татарстан Дәүләт Советының да иң беренче кабул иткән законнарыннан берсе “Вөҗдан иреге турында һәм дини берләшмәләр турында” Татарстан Республикасы Законы булды. Аны әзерләүдә, кабул итүдә турыдан-туры катнаштым. Шулар хакында искә төшергәч тынычландым. Алга таба да милләт, дәүләт белән динне бергә алып барсак, эшләребез уңышлы булыр, - дигән.

Бүләк иясе укуларга буш кул белән килмәгән. Мөфти Камил хәзрәт Сәмигуллинга “Җыен” фонды татар халык шагыйре Г. Тукайның 130 еллыгы уңаеннан нәшер иткән ике томлык җыентыкны бүләк иткән. “Бу китапларга кергән Тукай турындагы хатирәләрнең дүрттән бер өлеше беркайда да басылмаган. Тукайның нәселе 7 буыны - муллалардан. Бу китаплар Тукайны бөтенләй башка яктан ача”, - дигән Разил Вәлиев.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе