Нияз хәзрәт Сабиров үз чыгышында бурычны кайтармау һәм алиментлар түләмәү белән бәйле мәсьәләләрнең ихласлылык һәм белем булмау, рухи яктан зәгыйфьлек сәбәпле килеп чыгуын билгеләп үтте. Ул утырышта катнашучыларны яшьләр арасында эш алып барырга, бурыч түләмәү һәм килешүләрне бозуның нәтиҗәләре белән таныштырырга чакырды, дип хәбәр итә мөфтиятнең матбугат хезмәте.