Татарстан мөфтие Гашүрә көне уңаеннан мөрәҗәгать белән чыкты

Бүген кояш, офык артына кереп баеганнан соң, ахшам намазына азан әй­телү белән изге Мөхәррәм аеның унынчы төне Гашүрә көне керә. Бу - барлык мөселманнар һәм кешелек тормышында истәлекле көн. Гашүрә көнендә күп кенә Пәйгамбәрләр бәла-казалардан һәм кайгы-хәсрәттән котылганнар. Мисал өчен, пәйгамбәребез Ибраһим галәйһиссәлам уттан, пәйгамбәребез Юныс галәйһиссәлам кит карыныннан котылган, пәйгамбәребез Якуб галәйһиссәлам күрү сәләтенә ия булган, пәйгамбәребез Әюб галәйһиссәлам тулысынча савыккан, шулай ук пәйгамбәребез Муса галәйһиссәлам Фиргавен гаскәреннән имин булган, пәйгамбәребез Гайсә галәйһиссәлам тере хәлдә Аллаһыга ашкан һ.б.

Читайте также
2017 Сен 29. Фото:dumrt.ru

Бисмилләһир-рахмәнир-рахим.

Әссәламүгаләйкүм вә рахмәтуллаһи вә бәрәкәтүһү!

Мөхтәрәм дин кардәшләребез!

Бүген кояш, офык артына кереп баеганнан соң, ахшам намазына азан әй­телү белән изге Мөхәррәм аеның унынчы төне Гашүрә көне керә. Бу - барлык мөселманнар һәм кешелек тормышында истәлекле көн. Гашүрә көнендә күп кенә Пәйгамбәрләр бәла-казалардан һәм кайгы-хәсрәттән котылганнар. Мисал өчен, пәйгамбәребез Ибраһим галәйһиссәлам уттан, пәйгамбәребез Юныс галәйһиссәлам кит карыныннан котылган, пәйгамбәребез Якуб галәйһиссәлам күрү сәләтенә ия булган, пәйгамбәребез Әюб галәйһиссәлам тулысынча савыккан, шулай ук пәйгамбәребез Муса галәйһиссәлам Фиргавен гаскәреннән имин булган, пәйгамбәребез Гайсә галәйһиссәлам тере хәлдә Аллаһыга ашкан һ.б.

Әлеге көндә ураза тоту сөннәт санала. Бу хакта имам Бохариның хәдисләр җыентыгында түбәндәге хәдис китерелә: “Аллаһы Илчесе салләллаһу галәйһи вә сәлләм Мәдинәгә күченгәч, ул яһүдләрнең Гашүрә көнендә ураза тотуларын белә һәм алардан: “Нинди ураза соң бу?” – дип сорый. Аңа: “Бу бик мөбарәк көн. Бу көндә Аллаһы Тәгалә Муса галәйһиссәламне һәм Израиль халкын аларның дошманнарыннан коткара”, - дип җавап кайтаралар. Пәйгамбәр: “Мин сезгә караганда Мусага якынрак”, - дип әйткән. Шуннан соң ул бу көндә ураза тотарга өнди.

Әмма шунысын да билгеләп узарга кирәк: Китап әһелләреннән аерылып тору өчен, уразаны өстәмә рәвештә Гашүрә көненә бер көн кала яисә Гашүрә көненнән соң да өстәп тотарга кирәк. Хәдисләрдә әйтелгәнчә, Гашүрә көнендә тотылган ураза өчен зур савап бирелә.

Имам Мөслимнең хәдисләр җыентыгында “Рамазан аеннан соң иң яхшы ураза ул – Аллаһы аендагы Мөхәррәм уразасы” дигән хәдис китерелә.

Ихлас күңелдән барлык мөселманнарны да әлеге истәлекле көн белән тәбрик итәм һәм Аллаһы Тәгаләдән һәрбер мөэмин-мөселманның ике дөнья бәхет-сәгадәтенә дә ирешүләрен сорап дога кылам. Әмин.

Татарстан мөфтие Камил хәзрәт Сәмигуллин


Ноя 03
Ноя 03
Ноя 03
Ноя 02
Ноя 02
Ноя 02
Ноя 01
Ноя 01
Ноя 01
Окт 31
Окт 31
Окт 27
Окт 26
Окт 24
Окт 18
Окт 18
Окт 18
Окт 17
Окт 17
Окт 17

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе