Татарстан Диния нәзарәте мөселман спортчылары арасында хаҗга юллама уйната

9 апрельдә Яр Чаллыда мөселман яшьләренең Татарстан мөселманнары Диния нәзарәте кубогына татарча көрәш һәм кул көрәше буенча чираттагы турниры уза. Физик көч, яхшы спорт техникасы таләп итүче ошбу бәйгеләрдә Татарстан шәһәр-районнарыннан гына түгел, ә күрше өлкәләрдән дә 100гә якын спортчы катнашыр дип көтелә. Ярыш 18 яшьтән өлкәнрәк һәм намаз гыйбадәтен үтәүче көрәшчеләр арасында уздырылачак.

БӘЙЛЕ
2017 Апр 05. Фото:dumrt.ru

Тантаналы ачылышта Татарстан мөфтие Камил хәзрәт Сәмигуллин һәм шәһәр мэры Наил Мәгъдиев булачак.

Татарча көрәш бәйгесе быел - 6, ә кул көрәше 3 үлчәү категориясендә узачак. Һәр яшь категориясендә җиңүчеләргә өчәр призлы урын каралган. Аларны төрле дәрәҗәдәге дипломнар һәм акчалата призлар көтә.

Турнир ахырында кул көрәшендә һәм татарча көрәштә батыр калучылар (үз үлчәү төркемнәрендә) арасында җирәбә уйнатыла һәм анда отучы берләштерелгән турнирның иң зур бүләге - олуг хаҗга юлламага ия була. Ә җиңүче командага кубок тапшырыла.

Турнир Чаллының “Витязь” спорткомплексында үтәчәк. Ярышлар иртәнге сәгать тугызда башлана. Рәхим итегез! Бу хакта мөфтиятнең матбугат хезмәте хәбәр итә.


Комментарийны калдырыгыз
avatar

Июл 01
Июн 25
Июн 17
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе