Согуд Гарәбстаны һәр мөселманның күңелендә аерым урын алып тора - Татарстан мөфтие

Бүген Татарстан мөфтие Камил Сәмигуллин Мәскәүгә эш сәфәренә китте. Россия Президенты Владимир Путин чакыруы буенча Камил хәзрәт Согуд Гарәбстаны Короле Сәлман бен Габдел Азиз Әл Сауд килү хөрмәтенә Зур Кремль Сараенда дәүләт төшке ашында катнашты. Тарихта беренче тапкыр Мәскәүгә килгән Король белән очрашуга Татарстан Республикасы Президенты Рөстәм Миңнеханов та килде.

Читайте также
2017 Окт 05. Фото:dumrt.ru

Дәүләт төшке ашы ике лидер арасындагы сөйләшүләренең рәсми өлешен йомгаклады. Иң башта Президент һәм монарх Зур Кремль сараенда берничә кеше катнашында әңгәмә алып барды, ә аннары киңәйтелгән форматта ике илнең делегация әгъзалары катнашында сөйләшүләр узды. Фикер алышу нәтиҗәләре буларак, ярты дистәгә якын документ имзаланды. Согуд Гарәбстаны Короле Сәлман бен Габдел Азиз Әл Саудның визиты 8 октябрьдә төгәлләнәчәк.

Камил хәзрәтнең Мәскәүгә сәфәре дәвам итә: 7 октябрьдә ул Корольнең Россия мөфтиләре белән рәсми очрашуында катнашачак.

- Согуд Гарәбстаны һәр мөселманның күңелендә аерым урын алып тора: монда изге урыннар бар, монда Пәйгамбәр салләллаһу галәйһи вә сәлләм дөньяга килгән һәм яшәгән, монда ислам дине барлыкка килгән, – диде Камил хәзрәт. – Татарстан Республикасы мөселманнары Диния нәзарәте делегацияләре һәм шәхсән үземнең Согуд Гарәбстанында алар чакыруы буенча берничә тапкыр булганыбыз бар. Безне һәрвакыт бик яхшы кабул итәләр. Хәзерге вакытта ТР мөселманнары Диния нәзарәте Татарстан белән Согуд Гарәбстаны арасында хаҗ миссиясе буенча хезмәттәшлек итү мәсьәләләрен игътибар үзәгендә тота. Без әлеге хезмәттәшлек дәрәҗәсен югары итеп бәялибез: һәр ел саен хаҗга кешеләр җибәрәбез һәм безгә бирелгән шартлар белән канәгатьбез. Әлеге визит, берсүзсез, Корольнең Россиягә карата кызыксынуын белдерә.

Мәгълүмат Татарстан мөфтиятенең рәсми сайтыннан алынды.


Ноя 03
Ноя 03
Ноя 03
Ноя 02
Ноя 02
Ноя 02
Ноя 01
Ноя 01
Ноя 01
Окт 31
Окт 31
Окт 27
Окт 26
Окт 24
Окт 18
Окт 18
Окт 18
Окт 17
Окт 17
Окт 17

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе