
24 гыйнвар көнне башкалабызның "Әл - Мәрҗани” мәчете каршындагы Казан Ислам көллияте шәкертләре арасында "Мусабака” конкурсы уздырыла.
Әлеге чарага шәкерләр зур кызыксыну белән әзерләнә. Быел да ул оешкан төстә узар дип белдерә көллият җитәкчелеге. Конкурста 5 шәкерттән торган дүрт төркем үзара көч сынашачак. "Мусабака”да катнашучылар көллияттә укытылучы барлык фәннәрдән дә викторина сорауларына җавап бирергә тиеш.
Моннан тыш, көллият студентлары дини уку йорты тормышын чагылдырган үзенчәлекле газета чыгарырга, дин, әдәп, әхлак, тәрбия темаларын яктырткан театральләштерелгән тамаша күрсәтергә тиешләр.
Соңыннан нәтиҗәләр ясала һәм, әлбәттә, җиңүчеләр истәлекле бүләкләргә ия булачак.