Удмуртия мөселманнары Диния нәзарәте администрациясе җитәкчесе Эдуард Искәндәров хәбәр иткәнчә, бу комплексны ачу идеясе җирле халыктан кергән теләк-үтенечләрне караганнан соң туган.
- Безгә Октябрь районы кешеләреннән намаз залы төзүне сораган шактый хат килде. Чөнки җомга көннәрендә һәм дини бәйрәмнәрдә Ижевск мәчетләрендә халык бик күп була. Ә кайберәүләргә хәтта урамда намаз укырга туры килә. Ислам мәдәнияте үзәген төзү өчен мәйданны табигатькә якынрак урыннан сайлаганнар. Күп еллар бу кишәрлек буш торган.
Әлеге проект буенча җәмәгать тыңлаулары 23 октябрьдә район хакимиятендә узачак. Җирле халык арасында үзәкнең урнашу урынына бәйле дәгъвалары булган кешеләр дә бар дип хәбәр итә http://izhlife.ru.