Россия мөслимәләр берлеге Россиядә моңарчы күрелмәгән проектны тормышка ашырырга җыена

Россия мөслимәләр берлеге рәисе Наилә Җиһаншина социаль челтәрләрнең берсендә хәбәр иткәнчә, Мәскәүдә ачылачак “Бәрәкәт” дип аталган халыкара эшлекле-сәүдә комплексында бер түбә астында мөселманнар өчен бөтен кирәк-ярак сатылачак, төрле хезмәтләр күрсәтеләчәк.

БӘЙЛЕ
2016 Авг 25. Фото:vk.com/id122682126

Үзең һәм гаилә әгъзалары өчен матур, уңайлы кием сатып алгач, чәчтарашханәгә һәм кыйммәт тормаган хәләл ризыклар сатыла торган кафега кереп чыгу җайлы булачак.

Нарасыйлар өчен Балалар үсеш үзәге эшләячәк. Әти-әниләр кибеттә йөргәндә, төрле чараларда катнашканда, балалар белем ала алачак. “Бәрәкәт” комплексында юридик үзәк тә булачак. Тәҗрибәле юристлар килеп туган проблеманы хәл итәргә ярдәм итәчәк. Гаилә корырга теләүчеләрне халыкара гаилә кору үзәгенә чакырып калалар.

Акыллы һәм эшлекле дизайнерлар үз бизнесларын халыкара дәрәҗәдә алга җибәрә алачак. “Сезне барысы да әлегә зур акчалар хисабына алга җибәрергә тели. Ә безнең профессионаллар командасы бу хезмәтне акча түләмичә генә күрсәтәчәк. Без брендларны алга җибәрү буенча тәкъдимнәр эшләдек”, - дип хәбәр итә Н.Җиһаншина.

“Бәрәкәт” халыкара эшлекле-сәүдә комплексы тиздән ишекләрен ачачак, дип хәбәр ителә. Аның элмә тактасы август ахырына әзер булачак.

Комплекс “Теплый стан” метро станциясеннән ерак булмаган урында, заманча ремонт ясалган 3 катлы бинада эшләячәк. Аның ике катында сәүдә рәтләре урнашачак, өченче катта мөселман киемнәре бәйгеләре узачак, балаларның үсеш үзәге эшләячәк. Шулай ук намаз бүлмәләре, конференцияләр һәм эшлекле форумнар оештыру өчен урыннар бар.

P.S.: Моннан берничә ел элек ТР Мөслимәләр берлеге Казанда "Бәрәкәт" дип аталган комплекс булдыру турында сүз алып барган иде.

Римма Гатина.

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе