“Мин татарча сөйләшәм!” акциясе Казан, Әлмәт, Чаллы калаларында үткәреләчәк

“Мин татарча сөйләшәм!” акциясе 23 апрельдә Әлмәттә һәм 24е Чаллыда сәгать көндезге 3тә, 26сы сәгать 4тә Казан каласында үткәреләчәк, республика башкаласының Бауман урамында йомлаклау концерты һәм акция нәтиҗәләре игълан ителәчәк.

Аерым алганда, аның кысаларында яшь архитекторлар урам күргәзмәсе, татар язуы темасына багышланган кече ахитектур формалары күргәзмәсе, яңа татар альтернатив музыкасы, "Татар-дозор" квест-уены, мәктәпләрдә конкурслар, "Тяжело с татарским" дигән антипремия тапшыру һ.б. чаралар үткәрү күздә тотыла.

Бу хакта мәгълүмат Бөтендөнья татар яшьләре форумының матбугат хезмәтеннән алынды.
Чыганак: "Татар-информ"