Мәдинә-Казан: Согуд Гәрабстаны татарларын тарихи ватаннарына чакырачаклар

Һәр атнаның сишәмбе көнендә Татарстан мөселманнары Диния нәзарәтендә халыкны кабул итү көне уздырыла. Бүген мөселманнарны кызыксындырган сорауларга Татарстан мөфтие Камил хәзрәт Сәмигуллин җавап бирде. Мөфтигә гозер белән килүчеләр арасында ХХ гасыр татар эммигранты нәселеннән булган Госман Мәхмүтов та бар иде. Мөфтият кунагы Камил хәзрәткә туганнарының хәзерге көндә Согуд Гарәбстанының Мәдинә шәһәрендә гомер кичерүләрен хәбәр итте һәм аларның чит илгә күчеп китү тарихын сөйләде.

БӘЙЛЕ
2017 Мар 21. Фото:dumrt.ru

Госман Мәхмүтов сүзләренчә, нәсел җепләре Татарстанның Нурлат районына кергән Кизләү авылына барып тоташа. ХХ гасыр башында бертуганнар Кәлимулла (Госман аганың атасы) һәм Әхмәд гаиләләре белән Төркмәнстандагы Атамурат шәһәренә (элеккеге исеме Керки) күченеп китә. Күпмедер вакыттан соң, Әхмәд улы Мәхмүд белән Мәдинәгә күченә һәм яңа тормыш кора. Бүгенге көндә Мәдинәдә Госман аганың абый-энеләре, апа-сеңелләре гомер кичерә. Ул алар белән беренче тапкыр 1996 елда гомрә хаҗын кылырга килгәч очраша һәм шул вакыттан бирле туганлык җепләрен өзми. 2014 елда Әхмәднең оныгы Мөхәммәд әл-Казанлы гаиләсе белән Татарстанга килә һәм әби-бабалалары нигезе белән таныша. Татарстан мөфтие Камил хәзрәт Сәмигуллин шулай ук 2016 елгы хаҗ сәфәре барышында Мәдинә татарлары белән очраша һәм Госман Мәхмүтовның туганнары белән якыннанрак таныша.

"Миңа сезнең ике туган энем Мөхәммәд әл-Казанлы белән Согуд Гарәбстанында булганда төшкән фотосүрәтне күрсәттеләр. Мин сезнең танышуыгызга куандым", - дип белдерде Госман ага һәм алар белән тарихи ватаннарында очрашу оештырырга ярдәм сорады.

Мөфти хәзрәтләре кунакның әлеге теләген хуплап чыкты: "Динебез туганлык җепләрен сакларга өнди. Сезнең туганнарыгызга ата-бабаларыгызның нигезен күрсәтү, аларның каберен зиярат итеп, рухлары өчен дога кылу һәм бер-берегезнең мәдәният белергә тырышуыгыз зур хөрмәт уята. Әлеге очрашуны, һичшиксез, оештырырга тырышырбыз", - дип белдерде Камил хәзрәт.

Камил хәзрәт шулай ук Казанда эшләүче Әхмәдһади Максуди исемендәге Мәгърифәт үзәге вәкилләрен кабул итте. Әлеге үзәк балаларга һәм югары уку йорты студентларына өстәмә дини белем бирү белән шөгыльләнә. Бирегә йөрүчеләр тәҗрибәле педагоглар җитәкчелегендә ислам гыйбадәтләрен үтәргә, Коръән укырга өйрәнәләр һәм дини фәннәр буенча белемнәрен арттыралар. Мөфтине үзәкнең эшчәнлеге белән таныштырдылар, уку-укыту программасын күрсәттеләр һәм хезмәттәшлек итү буенча тәкъдимнәр ясадылар, дип хәбәр итә мөфтиятнең матбугат хезмәте.


Комментарийны калдырыгыз
avatar

Июл 01
Июн 25
Июн 17
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе