Корбан гаетендә шәһәрнең пассажир транспорты махсус график буенча йөри

25 октябрь – Корбан гаете көнне Казанның шәһәр транспорты иртән махсус график буенча йөриячәк. Бу республика башкаласы мәчетләренә бәйрәм чараларына халыкны китереп җиткерүне күздә тотып эшләнә.

Шул рәвешле, ял көннәренә транспорт интервалы түбәндәге маршрутларга расланган:
- 1, 2, 5, 6, 10, 10а, 15, 23, 29, 30, 31, 35, 35а, 37, 47, 53, 54, 56, 63, 68, 74, 74а, 75, 83, 85, 91, 99 нчы автобус маршрутлары;
- 1, 4, 6, 7, 10, 12, 17, 20, 21 нче троллейбус маршрутлары;
- 9 нчы трамвай маршруты.

3-6 ноябрьда җәмәгать транспорты ял көне графигы буенча эшли, диелә мэриядән алынган хәбәрдә.
Чыганак: "Татар-информ"