КФУның “Әл-Хадара” гарәп мәдәнияте үзәге һәм Казан ислам университеты студентлары – Мароккода стажировкада

Казан федераль университетының “Әл-Хадара” гарәп мәдәнияте үзәге студентлары Мароккодагы Габделмәлик Әс-Сәгъди университетының теология факультетында стажировка узуын дәвам итә. Өч айга исәпләнгән стажировка студентларга гарәп телен яхшырак үзләштерергә, шул ук вакыта гарәп-мөселман иленең борынгы мәдәният һәм гореф-гадәтләре белән танышырга мөмкинлек бирә.

БӘЙЛЕ
2016 Авг 01. Эмма Галимова фотосы
Студентлар курсларда гарәп язуын, грамматика, уку, гарәп телендә әңгәмә кору һәм фикер алышу, Марокко тарихы һәм мәдәнияте кебек юнәлешләрне үзләштерә. Барлык укытучылар да гарәп телен яхшы белә.

Гарәп мәдәнияте үзәге студентлары белән бергә Казан ислам университеты шәкертләре дә белем эсти. Алар өчен махсус әзерләнгән программага тәҗвид (Коръән уку кагыйдәләре) һәм хәдисләрне шәрехләү кебек предметлар да кертелгән.

Күптән түгел генә студентлар бер атналык каникулда булды. Алар Марокконың Волюбилис, Мекнес, Фес, Ифран, Марракеш, Касабланка, Рабат кебек шәһәрләренә экскурсиягә чыкты. Рус телен яхшы белә торган гид студентларны корольлекнең борынгы һәм хәзерге тарихы белән таныштырды. Шулай ук Мәкнәстәге - Баб Мансур, әл-Кутубия, Бахия сарае, Марокко хәкимнәренең Марракештагы төрбәсе, Фәстәге “Әл-Карауиин” университеты (дөньядагы иң борынгы университет), Касабланкадагы Хәсән II кебек тарихи һәйкәлләрне дә манзара кылдылар. “Әл-Хадар” гарәп мәдәнияте үзәге җитәкчесе урынбасары Эмма Галимова хәбәр иткәнчә, студентларның стажировка уза башлавына әле бер ай гына. Шушы кыска гына вакыт эчендә алар җирле халык белән иркен аралаша, дуслаша алган.

Стажировка КФУ белән Мароккодагы Габделмәлик Әс-Сәгъди университеты (Тетуан шәһәре) арасында 2011 елда имзаланган килешү нигезендә уза. КФУның “Әл-Хадара” гарәп мәдәнияте үзәге тел өйрәнүгә йөз тоткан мондый стажировкаларны инде 15 елдан артык оештыра.

Римма Гатина.

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе