“Ярдәм” үзәгендә “Бер-беребезгә ярдәмләшик” курслары тәмамланды.

Аның ябылышында “Ярдәм” фонды рәисе, Казан шәһәренең Мәскәү һәм Киров районнары мөхтәсибе Илдар хәзрәт Баязитов, “Ярдәм” фонды президенты Илһам Исмәгыйлов һәм башкалар катнашты. Курсларга йөрүчеләр бу көнне ихлас рәхмәтләрен “Ярдәм” үзәге директоры Мәликә Гыйльметдиновага һәм барлык үзәк коллективына ирештерде. Аларның күпчелеге тәүге тапкыр үз уңайлылык зонасыннан чыгып, театр, концерларга бару бәхетен татыды.”Бу безнең өчен , чын бәйрәм булды”,-дип белдерде алар. Әйтергә кирәк, Татарстанның толерантлык символы буларак, курсларны төрле милләт һәм дин вәкилләре узды. Катнашучылар ике атна дәвамында бер команда булып тупланды, бер-берсенә ярдәмләшеп бер гаилә булып яшәде. Чара кысаларында “Ярдәм” үзәге директоры Мәликә Гыйльметдинова, “Бер-беребезгә ярдәмләшик” проекты кураторы Лилия Сәлахетдинова “Ярдәм” фондының рәхмәт хатлары белән бүләкләнде. Мөмкинлекләре чикле якташларыбызны бәхетле итү юлында тырыш хезмәт күрсәткән үзәк мөгаллимнәре күкрәкләренә значоклар тагылды