"Ярдәм" тернәкләндерү үзәгендә инвалид коляскасында хәрәкәтләнүчеләр өчен семинар уза.

1-4 февраль көннәрендә, Ярдәм тернәкләндерү үзәгендә, инвалид коляскасында хәрәкәтләнүче, ДЦП һәм дә опорник инвалидлар арасындагы иң актив кешеләр өчен семинар уза.

Семинарның макъсатлары:
1. Һәр өлкәгә кагылышлы (спорт, әдәбият, социаль мәсьәләләр һ.б.) ниндидер зур дәрәҗәләргә ирешкән, үзен шәхси зат һәм дә җәмгыятьтә алдан әйдәп баручы кеше итеп күрсәткән кешеләрне, әлегә республикабыз ә алга таба Рәсәй күләмендә, берләштерү.
2. Республика районнарында иң актив лидерларны билгеләп, алар белән бергәләп районнарда хезмәттәшлек тудыру.
3. Ярдәм тернәкләндерү үзәгендә коляскалы һәм дә дцп инвалидларга җиңел хәрәкәт итүне булдыру, проблемаларны күреп бергәләп чишү юлын эзләү һ.б.
4.Киләчәккә планнар.

Семинарда: Ярдәм тернәкләндерү үзәге белән тулаем рәвештә танышу, үсешне тәэмин итүче масстер класслар, кызыклы очрашулар, файдалы әңгәмәләр һ.б.
Ярдәм - ул барлык төр инвалидларның идеяләрен берләштереп, инвалидлар өчен тулы бер зур комплекс булдыру мәйданы.

Семинар дәвамында үзәктә тору, туклануны (халәл) Ярдәм тернәкләндерү үзәге хисабыннан. Сезгә бинада хәрәкәтләнү өчен барлык уңайлыклар каралган. Үзегез һәм дә (әгәр дә сезгә кирәк икән) сопровождающиегызга да урын-җир бирелә.

Үзегез белән: туу турында таныклык, паспорт, инвалидлык кәгазе, мед книжка, мед полис, страховой полис, инн булуы зарур.

Семинарда катнашырга теләгән шәхси затлардан L0101714@yandex.ru электрон адресына резюме җибәрүе сорала.
Өстәмә мәгълүмат: 89053199733 номеры буенча.