Шулай ук әлеге уңайдан “Ак мәчеттә” Татар ислам дини мәгариф тарихы музеен ачу тантанасы да үткәрелде.
Әлеге чарада күренекле дин һәм фән галимнәре, шәхесләр чыгыш ясады.
Алар арасында Яр Чаллы шәһәре имам-мөхтәсибе Әлфәс хәзрәт Гайфуллин, имам-хатыйб, “Ак мәчет” мәдрәсәсе директоры, Кама буе төбәге казые Рөстәм хәзрәт Шәйхевәлиев, Ютазы районы “Фәнис” мәдрәсәсе директоры Марат хәзрәт Мәрдәншин, Татарстан Республикасы мөселманнары Диния нәзарәтенең фән һәм мәгариф бүлеге җитәкчесе Айдар Карибуллин, “Ак мәчет” мәдрәсәсе директорының уку-укыту эшләре буенча урынбасары Рафикъ хәзрәт Миңнәхмәтов, тарих фәннәре кандидаты, философия фәннәре докторы, Казан (Идел буе) федераль университетының Яр Чаллы институты профессоры Айдар Каюмов, физика-математика фәннәре докторы, Казан (Идел буе) федераль университетының Яр Чаллы институты профессоры Эмер Сибгатуллин, Яр Чаллы шәһәренең Мәгариф һәм яшьләр белән эшләү идарәсе җитәкчесе Винер Харисов һәм башкалар бар иде.
Чараның икенче өлешендә галимнәр дини мәгарифкә багышланган түгәрәк өстәлдә катнашты, дип хәбәр итә Татарстан мөфтияте матбугат хезмәте.