Яр Чаллы мөхтәсибәте Аксакаллары Шурасы эчтәлеге оят-әдәп кагыйдәләренә буйсынмаган рекламага каршы чыкты

30 ноябрьдә “Туфан” мәчетендә Яр Чаллы мөхтәсибәте Аксакаллары Шурасы (рәисе Равил хәзрәт Нуруллин, “Туфан” мәчете имам-хатыйбы) сөекле пәйгамбәребезнең (с.г.в.) туган көненә багышлап зур мәҗлес үткәрде. Анда шәһәр имамнары да катнашты. Мәҗлестә чыгыш ясап, шәһәр имам-мөхтәсибе Әлфәс хәзрәт Гайфуллин пәйгамбәребезнең (с.г.в.) тормыш юлын, күркәм әхлагын халыкка аңлату өчен Мәүлид аен нәтиҗәлерәк файдаланырга чакырды.

БӘЙЛЕ
2017 Дек 04. Фото:http://islamtatar.ru

30 ноябрьдә “Туфан” мәчетендә Яр Чаллы мөхтәсибәте Аксакаллары Шурасы (рәисе Равил хәзрәт Нуруллин, “Туфан” мәчете имам-хатыйбы) сөекле пәйгамбәребезнең (с.г.в.) туган көненә багышлап зур мәҗлес үткәрде. Анда шәһәр имамнары да катнашты. Мәҗлестә чыгыш ясап, шәһәр имам-мөхтәсибе Әлфәс хәзрәт Гайфуллин пәйгамбәребезнең (с.г.в.) тормыш юлын, күркәм әхлагын халыкка аңлату өчен Мәүлид аен нәтиҗәлерәк файдаланырга чакырды. Ул шулай ук җыелучыларны Болгарда узган Мәүлид кичәсе белән таныштырды.

Аксакаллар сөйләшү барышында алдагы ел өчен эш планы хакында фикер алышты. Аерым алганда, шәһәр башлыгына эчтәлеге оят-әдәп кагыйдәләренә буйсынмаган рекламаларны шәһәр проспектларына куйдыртмауны, балалар мәйданчыклары, тротуарларның эт тизәге белән тулу сәбәпле, шәһәрдә эт хуҗаларын этләре артыннан җыештыруны шарт итеп куйган карар кабул итүне (Мәскәү, Санкт-Петербург шәһәрләрендә этләрне йөрергә алып чыкканда, пакет һәм соскы белән алып чыгалар) сораган хат юлларга килешенде.

Шулай ук 17 декабрьдә шәһәр күләмендә уздырылачак Мәүлид кичәсенә әзерлек, мәктәпләрдә һәм балалар бакчаларында хәләл туклануга күчүгә булышлык күрсәтү һ.б. мәсьәләләр буенча да сөйләшү булды.

Өйлә намазыннан соң җыелышта катнашучылар өчен аш мәҗлесе оештырылды дип хәбәр итәләр Яр Чаллы мөхтәсибәтеннән.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе