Ир-атлар идеаль мөслимә нинди сыйфатларга ия булырга тиеш дип саный?

Хәзрәт ир-ат һәм хатын-кыз арасында булган мөнәсәбәтләрнең ике якның да әхлакый сыйфатларына бәйле булуын әйтте. "Әгәр кеше башкаларны ихтирам итә икән, ул үз янындагы иң якын кешесе белән дә шундый мөнәсәбәтләрдә булырга тырышачак. Шуңа күрә ныклы гаилә төзергә теләсәгез, бик күпкә алдан әзерләнергә кирәк", - диде спикер.

БӘЙЛЕ
2017 Окт 17. Фото:dumrt.ru

Казанның Галиев мәчетендә "Хатын-кызлар гимназиясенең" чираттагы очрашуы үтте. Ир-атлар идеаль мөслимә нинди сыйфатларга ия булырга тиеш дип саный? Ничек итеп ирең өчен илһам чыганагы булырга һәм аны гөнаһлардан сакларга? Әлеге һәм башка сорауларга җавапны "Гаилә кыйммәтләре" дигән лекцияләр вакытында "Казанның 1000 еллык мәчете" имам-хатыйбы Мөхәммәд хәзрәт Мифтахов ачып бирде.

"Соңгы вакытта аерылышу мәсьәләсе аеруча кискенләште. Минемчә, моның төп сәбәбе - кешеләр һәм, гомумән, гаилә тормышы турында идеальләштерелгән фикерләрнең киң таралуында. Эш шунда: бар яктан да булган камил зат юк, шуңа күрә гаиләдәге мөнәсәбәтләр дә идеаль була алмый. Яңа өйләнешкән парларның әхлакый һәм физик сыйфатлары күзаллаган идеалларга туры килмәсә, гаиләдә шунда ук киеренкелек барлыкка килә. Әмма һәр кешеның уңай һәм тискәре яклары булуын ачык аңларга кирәк. Бер хәдистә иманлы кешенең мөслимәгә карата нәфрәт хисе булырга тиеш түгеллеге хакында әйтелә: әгәр аның берәр сыйфаты ошамаса, икенчесе, һичшиксез, күңеленә хуш киләчәк", - дип белдерде Мөхәммәд хәзрәт. Ул лекция барышында гүзәл затларда зур борчу тудырган, төрле мәсьәләләргә карата ир-атларның фикерләре нинди булуын ачыклап үтте.

Хәзрәт ир-ат һәм хатын-кыз арасында булган мөнәсәбәтләрнең ике якның да әхлакый сыйфатларына бәйле булуын әйтте. "Әгәр кеше башкаларны ихтирам итә икән, ул үз янындагы иң якын кешесе белән дә шундый мөнәсәбәтләрдә булырга тырышачак. Шуңа күрә ныклы гаилә төзергә теләсәгез, бик күпкә алдан әзерләнергә кирәк", - диде спикер.

Хатын-кызларга хас хикмәт турында сөйләгәндә, Мөхәммәд хәзрәт ирнең хатынына булган җылы карашын саклап калуга бәйле кызыклы риваятьләр белән дә бүлеште дип хәбәр итәләр мөфтияттән.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе