Гыйлем диңгез булса, сез аның кырыена килеп бастыгыз гына әле - Татарстан мөфтие

Быел “Мөхәммәдия” Казан югары мөселман мәдрәсәсенең кичке бүлеген 77 шәкерт тәмамлады. Бүген Татарстан мөфтие, “Мөхәммәдия” директоры Камил хәзрәт Сәмигуллин һәм мәдрәсә мөгаллимнәре катнашында диплом тапшыру тантанасы булды.

БӘЙЛЕ
2017 Авг 17. Фото:dumrt.ru

“Аллаһ Тәгалә Коръәни Кәримдә: “Белүче белән белмәүче бертигез булырлармы?” - дип әйтелгән. Сөекле Пәйгамбәребез Мөхәммәд гыйлем алу, гыйлем таләп итү бөтен мөселманнарга да фарыз дип әйтә. Безнең динебез гыйлем алу белән тыгыз бәйле һәм моңа фәннән дә бик күп мисаллар табарга була. Дүрт ел дәвамында дини белем үзләштердегез, әмма сез олы юлның башында гына. Киләчәктә мәдрәсәдә алган белемнәрегезне тагы да тирәнәйтергә кирәк булачак. Мин галим булдым дип әйтмәгез, чөнки өйрәнерлек әйберләр җитәрлек. Гыйлем диңгез булса, сез аның кырыена килеп бастыгыз гына әле. Барыгызга да уңышлар телим! Аллаһ Тәгалә алган белемнәрегезне кулланып, файдалы гамәлләр кылып яшәргә язсын сезгә”, - дип теләде Камил хәзрәт.Бу хакта мөфтият матбугат хезмәте хәбәр итә.

Мәдрәсә мөгаллимнәре исеменнән проректор Зөлфәт хәзрәт Габдуллин чыгыш ясаганнан соң, көтеп алынган мизгел – дипломнар бирү башланды. Мәдрәсәне тәмамлаучылар “имам-хатыйб” һәм “ислам дине нигезләре мөгаллиме” белгечлекләре алып чыкты.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе