Дәүфит Хәмәдишин имамнарга: “Сез – дин әһелләре, без – законнар үтәлешен тәэмин итүчеләр буларак, уртак эш башкарабыз”

Бүген Җәзаларны үтәү буенча федераль хезмәтнең Татарстандагы идарәсе башлыгы Дәүфит Хәмәдишин төзәтү учреждениеләре өчен җаваплы имамнар белән очрашты. Очрашу Татарстан мөфтие Камил хәзрәт Сәмигуллин инициативасы белән оештырылды.

БӘЙЛЕ
2016 Дек 27. Фото: УФСИН России по РТ

Анда Җәзаларны үтәү буенча федераль хезмәтнең Татарстандагы идарәсе башлыгының дин тотучылар белән эшне оештыру буенча ярдәмчесе Рафаил Дәүлиев, Татарстан мөфтие урынбасары Илдар хәзрәт Баязитов, “Ярдәм” милли ислам хәйрия фонды президенты Илһам Исмәгыйлев, “Социаль тернәкләндерү һәм адаптация үзәге” коммерцияле булмаган автоном оешмасы җитәкчесе Азат Гайнетдинов, төзәтү колонияләре һәм СИЗОлар башлыклары, дин әһелләре һ.б. катнашты.

Дәүфит Хәмәдишин, очрашуны башлап җибәреп, дини тәрбиянең иректән мәхрүм ителгәннәрнең төзәлүендә, кабат төрмәгә керүне булдырмый калуда, ирекле тормышка законнарны үтәп яшәүче гражданнар булып кайтуында бик нәтиҗәле юл икәнлеген әйтте. “Сезнең белән безнең максат бер: бер туры юлдан тайпылучыларның кабат шул юлга басмавы, элекке хаталарны кабатламавы, җинаятьләрдән баш тартуы һәм җәмгыятебезнең тулы канлы гражданнары булуы мөһим. Сез – дин әһелләре, без – законнар үтәлешен тәэмин итүчеләр буларак, уртак эш башкарабыз”, - диде.

Хәзер җинаять-башкару системасы учреждениеләрендә мәчетләр, чиркәүләр, намаз бүлмәләре эшли, төп дини йолалар һәм бәйрәмнәр үткәрелә.

Очрашу вакытында имамнарның иректән мәхрүм ителгәннәр белән эшләвенә, Җәзаларны үтәү буенча федераль хезмәтнең Татарстандагы идарәсе хезмәткәрләре белән дин әһелләре эшчәнлегенә кагылышлы һ.б. мәсьәләләр турында фикер алыштылар.

Билгеле булганча, төрмәләргә барып йөрүче имамнар Казанда махсус курслар үтте. Иректән мәхрүм ителгәннәр белән эшләүнең нечкәлекләрен өйрәнде.

Җәзаларны үтәү буенча федераль хезмәтнең Татарстандагы идарәсе матбугат хезмәте белән берлектә Римма Гатина.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе