Бурятия татарлары Ислам белән кызыксынучыларга И.Баязитовның “Традиционный Ислам: пути выхода из кризиса” китабын тәкъдим итә

“Бурятия татарларының төбәк милли-мәдәни мохтәрияте” рәисе Саҗидә Батталова: “Чын әдәбият кеше тормышын үзгәртергә мөмкин”, - дип саный. Китап уку – аның тормышына ямь өстәүче. Ул UlanMedia мәгълүмат агентлыгы укычыларына үзенең яраткан китаплары турында сөйләгән.

БӘЙЛЕ
2016 Авг 30. Фото: yardem.ru

Саҗидә Батталова ислам дине белән кызыксынучыларга ТР мөселманнары Диния нәзарәте рәисе урынбасары, “Ярдәм” мәчете имам-хатыйбы Илдар хәзрәт Баязитовның “Традиционный Ислам: пути выхода из кризиса” дип аталган хезмәте белән танышырга тәкъдим итә. Биредә традицион исламга багышланган публицистик статьялар тупланган.

Үз вакытында бу хезмәтне журналистларга тәкъдим итү вакытында И.Баязитов: “Без радикализм проблемасын хәл итү буенча үз фикерләребезне белдердек. Шулай ук китапка “Фактор социального служения”, “Мусульмане в современной России: между империей и хаосом”, “Роль мусульманских организаций в укреплении мусульманского мира”, “Социальная справедливость – наша национальная идея”, “Решение проблемы радикализма молодежи” һәм башка статьялар кертелгән. Бу китап – безнең бөтен команданың хезмәте. Монда мин үземнең һәм минем янымдагы кешеләрнең тәҗрибәсен исәпкә алдым”, - дигән иде.

Илдар Баязитов фикеренчә, дини радикализм гына түгел, Россиядә яшьләр арасында радикализм үсә. “Моңа социаль яктан тәэмин ителмәгәнлек сәбәп булып тора. Без яшьләргә бөтенләй башка юл тәкъдим итәбез. Аларны социаль проектларда, мәхәллә тормышында актив катнашырга чакырабыз. Бу кешеләргә ниндидер этәргеч бирә һәм бушлык тутырыла. Мәсәлән, безнең тирәдәге яшьләр деструктив агымнардан китәләр, сәламәтләнәләр”, - диде ул кыскача гына. Хәзрәт шулай ук яшьләр белән эшләү юлларын гел күрсәтеп тору зарурлыгын белдерде.

Китап исеменә чыгарылган “традицион Ислам” төшенчәсен әлеге хезмәткә кереш сүз язган РИИ ректоры, профессор Рәфыйк Мөхәммәтшин аңлатып үткән иде.

“Традицион Ислам дигәндә, без һич кенә дә милли традицияләрне күпертеп күрсәтүне күз алдында тотмыйбыз. Без традицияләрне таныйбыз, әмма абсолютлаштырмыйбыз. Бүген, яшьләрнең радикальләшүе сәбәпле, традицион ислам һәм социаль ярдәм күрсәтү турында ешрак язарга кирәк. Кешеләрне нәрсә беләндер кызыксындырырга, энергиясен ниндидер эшләргә юнәлтергә кирәк ”, - дигән иде профессор.

Римма Гатина.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе