Бу дөнья тормышы хакына - ахирәт тормышын, ахирәт хакына дөньялыкны онытмагыз - Мөхәммәд (с.г.в.)

Нәрсә ул Ислам? Пәйгамбәребез вәгъдә иткән хак юл буенча ничек барырга? Алтын урталыкта ничек калырга? Ничек итеп бер чиктән икенче чиккә ташланмаска? Әлеге эштә мәчетләр нинди роль үти?

Читайте также
2017 Окт 02. Фото:dumrt.ru

Нәкъ менә шул сораулар буенча өченче сезон мөселман дискуссион клубында катнашучылар җавап эзләде. Әлеге чара утырышлары Галиев мәчетендә пәнҗешәмбе көнне уза. Бу юлы очрашу кунагы Кабан арты мәчете имам-хатыйбы Йосыф хәзрәт Дәүләтшин булды.

Безнең пәйгамбәребез Мөхәммәд салләллаһу галәйһи вә сәлләм Ислам дине кануннары буенча яшәргә боерган, барлык бурычларны һәм сөннәт гамәлләрне үтәп урталык юлыннан барган. Әмма шайтан еш кына адәм балаларын юлдан яздырырга тели.

Йосыф хәзрәт җыелган егет-кызларга өч сәхабә турында искә төшерде. Алар Пәйгамбәр салләллаһу галәйһи вә сәлләмгә сорау белән килгән булалар, әмма өйдә аның хатыны Гайшәне генә очраталар. Пәйгамбәр салләллаһу галәйһи вә сәлләм төнге намазларда аякларга авырту төшкәнче басып торганын, ничек ураза тотканын белгәч, сәхабәләр аның өеннән китәләр. Берсе төнне гыйбадәттә үткәрергә, икенчесе – һәр көнне ураза тотарга, ә өченчесе – хатыны һәм балалары гыйбадәт кылудан игътибарын читкә юнәлтмәсен өчен, беркайчан да өйләнмәскә карар кыла. Хатыны аша аларның уйлары турында белеп, Мөхәммәд салләллаһу галәйһи вә сәлләм сәхабәләрне алтын урталык буенча алып барырга өнди: “Аллаһы Тәгалә тигезлекне ярата”, – ди.

Ул аларга болай дип җавап биргән: "Мин төнге намазларга да басам, шул ук вакытта мин ял да итәм; мин ураза тотам, әмма уразасыз көннәр дә бар; минем хатыным һәм балаларым бар, мин алар белән вакыт үткәрәм. Бу дөнья тормышы хакына - ахирәт тормышын, ахирәт хакына дөньялыкны онытмагыз. Барлык эшләрдә дә урталык булырга тиеш, – дип искә төшерде Йосыф хәзрәт. Безнең динебез һәрвакыт һәм һәр урында да алтын урталыкка буйсына, һәм бу иң дөрес, иң хакыйкый юл. Һәм дөнья тормышын берничек тә игътибардан читтә калдырырга ярамый. Ул безгә Бөек Яралтучыбыз тарафыннан ахирәт тормышына әзерләнү өчен бирелгән. Безнең бурыч – ахирәт рәхмәтен шушы кыска гына дөнья тормышыбызда казану. Ислам – ниндидер катлаулы әйбер, секта түгел ул. Дин рәхмәт өчен һәм җиңеллек өчен. Бу шатланучы, сөенүче һәм ял итүче гади халык өчен дин. Пәйгамбәр салләллаһу галәйһи вә сәлләмнең рухи байлыкка ирешкән кайбер сәхабәләре бары ахирәт турында гына уйлыйлар, гаиләсе, хатыны һәм балалары турында оныталар. Әмма, синең Пәйгамбәр салләллаһу галәйһи вә сәлләм әйткәнчә, Аллаһының сиңа хакы бар. Син һәрберсенә тиешлесен бирергә тиешсең.

Мәгълүмат ТР мөселманнары Диния нәзарәтенең рәсми сайтыннан алынды.


Дек 13
Дек 08
Дек 04
Ноя 30
Ноя 30
Ноя 29
Ноя 29
Ноя 29
Ноя 27
Ноя 24
Ноя 24
Ноя 24
Ноя 23
Ноя 23
Ноя 23
Ноя 22
Ноя 22
Ноя 22
Ноя 21
Ноя 21

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе