Бүген – Халыкара тәмәкедән баш тарту көне

Ел саен ноябрьнең өченче пәнҗешәмбесендә дөньяның күп кенә илләрендә Халыкара тәмәкедән баш тарту көне билгеләп үтелә. Ул Американың онкология җәмгыяте тарафыннан 1977 нче елда гамәлгә куелган.

Бөтендөнья сәламәтлек саклау оешмасы мәгълүматлары буенча, дөньяда 90 процент үлемнең сәбәбе тәмәке тарту аркасында үпкәдә яман шеш килеп чыгудан, 75 проценты – хроник бронхит һәм 25 проценты йөрәк өянәге аркасында.

Җир йөзендә һәр 10 секунд саен озак вакыт тәмәке тарткан 1 кеше үлә, 2020 нче елга бу хәл 3 секункда 1 кеше вафат булуга кадәр җитәргә мөмкин. Россиядә, ким дигәндә, һәр 10нчы хатын-кыз тәмәке тарта. Россиядә яшәүче ир-атларның 50-60 процентын күп тартучылар рәтенә кертеп була.

Халыкара тәмәкедән баш тарту көненең максаты – тәмәкегә бәйлелекне киметү, халыкның барлык катламнарын һәм барлык белгечлек табибларын тәмәке тартуга каршы көрәшкә җәлеп итү, тәмәке тартуны профилактикалау.

Әлеге мәгълүмат Calend.ru материаллары буенча.“Татар-информ”