Бүген Казан шәһәренең “Ярдәм” мәчетендә Киров һәм Мәскәү районнары мөхтәсибәте җыелышы, Корбан ашы узды

Җыелыш барышында Корбан гаете чараларына йомгак ясалды, киләчәккә планнар билгеләнде, бергәләшеп киңәшләшеп, дус тату булып эшләү зарурлыгы турында әйтелде. “Ярдәм” мәчете имам-хатыйбы Илдар хәзрәт Баязитов халык белән ныграк эшләү кирәклеген билгеләп үтте: “Без барыбыз да тынычлык өчен җаваплы. Мәчетләребездә нинди халык җыелуы, ничек намаз укуы турында без белеп торырга тиеш. Тәртип булсын дип, халык белән ныграк эшләргә кирәк”, - дип билгеләп үтте.

Читайте также
2017 Сен 20. Фото:Данис Касыймов

Бүген Казан шәһәренең “Ярдәм” мәчетендә Киров һәм Мәскәү районнары мөхтәсибәте җыелышы, Корбан ашы узды. Илдар хәзрәт Баязитов җитәкләгән бу мөхтәсибәт 12 мәчетне туплап тора. Ике районда яшәүчеләр саны 250 мең кешегә җитә.

Җыелыш барышында Корбан гаете чараларына йомгак ясалды, киләчәккә планнар билгеләнде, бергәләшеп киңәшләшеп, дус тату булып эшләү зарурлыгы турында әйтелде. “Ярдәм” мәчете имам-хатыйбы Илдар хәзрәт Баязитов халык белән ныграк эшләү кирәклеген билгеләп үтте: “Без барыбыз да тынычлык өчен җаваплы. Мәчетләребездә нинди халык җыелуы, ничек намаз укуы турында без белеп торырга тиеш. Тәртип булсын дип, халык белән ныграк эшләргә кирәк”, - дип билгеләп үтте.

Казан шәһәренең Киров һәм Мәскәү районнары хакимияте белгече Артур Фарисов, җыелышта катнашучы имам-хатыйбларның хезмәтен бәяләп, рәхмәт сүзләрен җиткерде. “Менә бөтен эшләрне бергә алып баргач, эшләр уң була. Бер-беребезне тыңлап, ярдәм итеп, бер-беребезгә таянып, бергә эшләргә язсын”, - диде ул.

Чыганак: Данис Касыймов

Еллар дәвамында бергәләшеп эшләү үз нәтиҗәләрен биргән: Корбан гаете бик матур узган, тәртип бозулар булмаган.

Зөлхиҗҗә ае шулай ук мөхтәсибәт тормышында “Рәҗәп” мәчете имам-хатыйбы Миңнулла Арслановның бакыйлыкка күчүе белән истә калыр. Хәзер бу мәчеттә имам-хатыйб вазыйфаларын 62 яшьлек Минәүхәт Сәгыйров башкара. Ул Миңнулла хәзрәтнең уң кулы булган кеше. Бүгенге җыелышта Минәүхәт хәзрәтнең кандидатурасы имам-хатыйблыкка тәкъдим ителде. 10 октябрьдә Миңнулла хәзрәтнең кырыгын укытырга җыеналар. Бу көнне Киров һәм Мәскәү районнары мөхтәсибәте имам-хатыйблары Минәүхәт хәзрәт чакыруы белән “Рәҗәп” мәчетенә җыелачак, Миңнулла хәзрәтнең рухына дога кылачак.

Имам-хатыйблар киләчәктә барлык чараларны бергәләп үткәрергә карар кылдылар. Моннан соң мөхтәсибәт җыелышлары районның башка мәчетләрендә дә узачак. Бу башка мәчетләр белән танышу, хәл итәсе мәсьәләләр булса, җирле хакимият вәкилләре белән уртага салып сөйләшү өчен файдалы булачак.

Бүгенге җыелыш вакытында шулай ук интернет, ватсап аша мәгълүмат алмашу, мәчетләр уставына үзгәрешләр кертү, мөхтәсибәттә булган вакыйгаларны сайтларда яктыртып бару, бер-береңә булышып эшләүнең никадәр нәтиҗәле булуы да билгеләп үтелде.

Римма Гатина.


Дек 13
Дек 08
Дек 04
Ноя 30
Ноя 30
Ноя 29
Ноя 29
Ноя 29
Ноя 27
Ноя 24
Ноя 24
Ноя 24
Ноя 23
Ноя 23
Ноя 23
Ноя 22
Ноя 22
Ноя 22
Ноя 21
Ноя 21

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе