Тынгысыз аксакал

Ул абыйны мин күптәннән беләм. 73 яшьтә булуына карамастан, аңа һич тә бабай, дип әйтергә тел әйләнми. Күзләре күрмәсә дә, ул бервакытта да зарланмас, сукранмас. Һаман да җор телле булып кала бирер. Сүзем Әкрам абый Җәләлетдинов турында.

– Бу араларда никтер мәчеттә күренмәдегез?–дигән соравыма, ул:–Автобус тукталышына егетләр кебек йөгерәм әле. Кайсы мәчеткә бара тор-ган автобус алдан килсә, шул якка ки-теп барам,–дип ярым шаяртып җавап бирде.

Шунысы игътибарга лаек: Әкрам абый 3 тапкыр рәттән хаҗ кылды, ә узган елдагысы–дүртенчесе – гомрә хаҗы Рамазан аена туры килде.

– Кешеләр авыр булгандыр бит, диләр. Бернинди дә кыенлыгын тойма-дым. 1 ай булдым анда. 45 градус эс-селек иде. Эссе дә какмады, салкын да тимәде. Иртәнге намазга «Әл-Харам»га бара идек. Аннан кунакханәгә кайтып, бераз гына ял итәбез. Без тагын мәчеткә китәбез. Ахшамга азан әйтелгәч, хөрмә җимешләреннән, Зәм - Зәм суларыннан авыз итәбез. Ястүдән соң, тәравих намазларын укыдык. Без анда күп итеп Коръән укыдык. Үзара сөйләшеп йөрергә дә вакытыбыз булмады, –дип искә төшерде Мәккә вакыйгаларын Әкрам абый.

Чувашиянең Урмай авылында дө­ньяга килгән Әкрам абый өч яшендә сукыр кала. Ул кечкенәдән ураза тота, намаз укый.

– Ул чакларда ашарга юк, әмма эчәсе килә иде. Шулай да түздек, ураз-абызны бозмадык, Аллага шөкер,-диде Әкрам абый, бәхетле елмаеп. Тагын шунысы бар: тынгысыз ак-сакал, мөмкинлек булган очракта, бишенче тапкыр да хаҗ кылырга теләге бар икәнлеге турында әйтте.