Рәшидә абыстай: “Исраф булып йөрмә, кызым”, - диде

Остазымның мәңгелек сәфәренә күчүенә байтак вакыт үтсә дә, ул һич күңелдән чыкмый. Остазым Рәшидә Исхакый белән сиксәненче елларның азагына таба Мәрҗани мәчетендә очрашкан идек.

БӘЙЛЕ
2016 Ноя 10

Мин ул чакта “Азат хатын” журналында эшли идем. Җитәкчелек җомга намазына барырга рөхсәт итә иде. Мәрҗани мәчетендә ул чакта кулдан сугылган палас җәелгән бер сәке бар иде. Мин барган көнне аның түрендә самавыр кайнап тора иде. Анда Рәшидә абыстай булып чыкты. “Утыр кызым”, - дип, миңа чәй көйләде. Шул килүдән мин туктый алмадым инде. “Исраф булып йөрмә, кызым”, - дип, мине укырга чакырды.

Шуннан башлап мин остазымнан аерылмадым. Милли хәрәкәт җыеннарында катнаштык. Халкыбызны әдәп-әхлаклы, мәгърифәтле итәсе килә иде Рәшидә абыстайның. Ул безне “Нурулла” мәчетендә дә укытты. Бездә, чыннан да, бәдәнебездә, җаныбызда да үзгәртеп кору еллары булды. Без чынлап имани яктан калебебезне аңладык һәм чыныктырдык, чистарттык.

1993 елда остазым белән бергәләп хаҗ кылдык. Бик хикмәтле булды.

Без киләсе елның апрелендә “Сөембикә энеләре һәм сеңңелләре” бәйгесенең егерменчесен үткәрәчәкбез, Аллаһы боерса. Безнең бүләкләр арасында Рәшидә Исхакый бүләгенә лаек булучылар да байтак.

Мин остазымның 9 нчы буын шәкертемен. Ә аның шәкертләре меңләп диярлек. Ә чыгарган китаплары бөтен татар хатын-кызларын һәм милләттәшләребезне әдәп-әхлаклы булырга, намаз укырга өйрәтте. Язасы хатирәләр бик күп, остаз мәгърифәт илчесе, Мөхлисә Бубый бүләге иясе, гасыр абыстае. Бөтен Ислам дөньясы хәбәрчесе дә әле ул.

Әлмира Һәдия.

Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе