Шиһабетдинның бер шөгыле

Мәрҗани яшь вакыттан йөрәкле, батыр булып, кайчакларда куркыныч, хәвефле эшләргә дә керешә торган булган. Бервакыт, унбиш яшьләрдә вакытта, бер кыз туганын һәм энесе

БӘЙЛЕ
2011 Фев 24

Мәрҗани яшь вакыттан йөрәкле, батыр булып, кайчакларда куркыныч, хәвефле эшләргә дә керешә торган булган.

Бервакыт, унбиш яшьләрдә вакытта, бер кыз туганын һәм энесе Садертдинне гади бер ишеккә утыртып, утыртып, тирән тегермән суыннан, Ташкичүдән бер чакрым ераклыктагы Кысна авылына алып барган.

Мәрҗанинең кыюлык һәм батырлыклары өстенә, егет вакытларында бәдән тазалыгы вә каһарманлыгы да булган, йөрәк вә баш тазалыгы белән гәүдә тазалыгын җыйган, егет вакытында мәшһүр көрәшчеләрнең берсе булган.

Садретдин хәзрәт истәлекләреннән күренгәнчә Мәрҗани һәр җә­һәт­тән башкалардан өстен булуны яраткан. Татар — башкорт кө­рә­шенә яхшы оста­лыгы булган, һәрвакыт физик күнегүләргә игътибар иткән.

Яңа гына балигь булган заманында, Ташкичү вә күрше авыл Сабантуйларын да, камил ир булган таза, пәһлеван ир-атларны егып җиңү яулаган. Шуңа күрә Ташкичү вә күрше — тирә авылларда яшәүчеләр Мәрҗанине «Көрәшче Шаһаби» дип атап йөрткәннәр.

Ташкичү кешеләре дә ошбу «Көрәшче Шаһаби» белән горурланып, күрше авылларда Сабан туйлары, җыеннар булганда, Баһаветдин хәзрәттән үзләре илә Мәрҗанине дә җибәрүне үтенә, фәкать Ташкичүнең кайбер картлары гына ир — атлар илә көрәшеп яшь көенчә имгәнеп бетә дип, яратмый сөйли, көрәштән туктатырга киңәш бирә торган булганнар. Ләкин Мәрҗани үзе байтак вакытлар көрәшкә ихлас куеп, Сабан туйларында йөргән, мәшһүр батырлар белән көрәшкән. Бервакыт , 19 яшьләрдә вакытта, әтрафларында «Ибрай батыр» дип танылган бер кеше илә көрәшергә туры килеп, янында булганнар көрәшмәскә киңәш бирсәләр дә, Мәрҗани алар сүзенә карамый, аның белән көрәшеп, Ибрай батырны ега.

Көрәшкәндә Мәрҗанинең тагын бер гадәте булган, ул егылганнар белән түгел, бәлки егучы баһадирлар белән көрәшүне яраткан. Үзе бер мәртәбә еккан кеше белән көрәшмәгән. Һәм дә башка кеше еккан кеше белән дә көрәшкә кермәгән.

Рафаэль МИФТАХОВ


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе