Владимир Путинга һөҗүм итү турындагы Җинаять эше мәхкәмәгә тапшырылган

GOROD.MOS.RU агентлыгыннан алынган мәгълүматларга караанда, РФ Генераль прокуроры урынбасары Владимир Малиновский 2011 елда ул вакыттагы Премьер-министр Владимир Путинга һөҗүм оештырган Илья Пьянзинга карата Җинаять эше ачылуын раслады. Хәзер бу эш җентекләп тикшерү өчен судка тапшырылган.

Генпрокуратураның матбугат хезмәте хәбәр итүенчә, Пьянзин «Тотрыклы хәрби төркемдә катнашу”, "Дәүләт эшлеклесенең тормышына куркыныч янауны әзерләү”, "Шартлау әберләрен законсыз рәвештә әзерләү” һәм "Шартлау әберләрен законсыз рәвештә саклау һәм аларны бер урыннан икенче урынга күчерү” маддәләре буенча гаепле дип табылган.

Тикшерү органнары фаразлаганча, Пьянзин Украинада булганда Док Умаров төзегән төркемгә кергән. Аларның максаты Владимир Путинга һөҗүм оештырудан гыйбарәт булган.

Җинаять кылуны әзерләү барышында алар тимер бронялы автомобильләрне юкка чыгара торган ике бомба әзерләгәннәр. Бомбаларны Одесса янындагы бер шәһәрдә сынаганнар.

2012 елның 4 гыйнварында экстремистлар яши торган урында янгын чыга, аларның берсе шунда һәлак була, Пьянзин һәм тагын берәү Украина полициясе тарафыннан кулга алына.

РФ Генпрокуратурасы Пьянзинны экстрадицияләү буенча Украина ягына сорау юллады. Нәтиҗәдә, ул Россиягә тапшырылды.