Мөфти Камил хәзрәт Сәмигуллин әлеге мәгълүматларны тикшерүне сорап Татарстан Прокуроры Илдус Нәфыйковка мөрәҗәгать итте.
Татарстан мөфтие үзенең мөрәҗәгатендә тикшерүләрне көч кулланып һәм закон бозып алып бару тиеш түгеллегенә катгый ышанычын белдерә. "Прокуратураның тикшерүләр законлы һәм гадел алып барылсын өчен җентекле һәм объектив күзәтчелеге, җәмәгатьчелек белән тыгыз элемтәсе безнең төбәктә социаль тотрыклылыкны саклауга, ныгытуга булышлык итәчәк”, - дип саный Татарстан мөфтие.
Чыганак: Татарстан Диния нәзарәте матбугат хезмәте