Казан мэры Илсур Рәис улы Метшин олы буын вәкилләрен Өлкәннәр көне белән котлады.
“Хөрмәтле казанлылар, өлкән буын вәкилләре!
Бүген – Халыкара өлкәннәр көне, матур гадәт буенча без иминлегебез өчен сабыр гына армый-талмый хезмәт иткән, безгә һәрвакыт таяныч булган олы буын вәкилләренә, әти-әниләребезгә, остазларыбызга мөрәҗәгать итәбез.
Сез лаеклы тормыш юлы узгансыз, бай тәҗрибә һәм акыл туплагансыз. Сез – мораль кыйммәтләрне һәм гореф-гадәтләрне саклаучылар. Без сезнең казанышлар белән горурланабыз, актив гражданлык һәм тормыш позициягез өчен рәхмәтебезне җиткерәбез!
Сезгә нык сәламәтлек, күңел күтәренкелеге һәм бәхетле озын гомер телибез. Кешеләргә армый-талмый ярдәм итүегез өчен Аллаһы Тәгалә сезне рәхмәтеннән ташламасын. Якыннарыгызның игътибарын һәм мәхәббәтен һәркөн тоеп яшәгез!” – диелә Казан каласы башлыгы И.Р.Метшин мөрәҗәгатендә.