«Казан» милли мәдәният үзәгендә Корбан ашы узды

2013 Окт 17

Корбан ашы «Казан» милли мәдәният үзәгендә узды. Ашта шәкертләр, студентлар, укучылар, яшь талантлар катнашты. Яшьләрне Корбан бәйрәме белән Татар конгрессы рәисе урынбасары Ренат Вәлиуллин котлады.

Корбан ашын оештыручылар Татар яшьләре форумы рәисе Тәбриз Яруллин, Мөфтиятнең яшьләр бүлеге җитәкчесе Айнур Әхмәтшин, «Ихлас» хәрәкәте лидеры Нияз Закировның сәхнәдә янәшә басып торуы, яшьләрне чиратлашып татар телендә котлавы халыкка зур тәэсир итте. Чөнки моңарчы яшьләрнең шул дәрәҗәдә берләшеп эшләве Татарстан тарихында булмады.

Тәбриз Яруллин сүзләренчә, милли һәм дини оешма активистларын бер максат — милләтебезне һәм динебезне саклау, үстерү берләштерә. Бергәләп эшләү оешмаларның активлыгын үмтерәчәк һәм нәтиҗә зуррак булачак.

Айнур Әхмәтшин исә яшьләрне динилеккә, бердәмлеккә һәм һәр яктан патриот булырга чакырды. Шулай ук секта һәм радикаль агымнардан ерак торырга, традицион исламны үстергә өндәде.

Нияз Закиров яшьләргә социаль яктан актив булырга чакырды, бизнес тармагын үстерүнең милләт өчен әһәмиятле булуын җиткерде.

Корбан ашында шулай ук «Сорнай» ансамбле мөнәҗәтләр, татар җырларын башкарды.

Чыганак: "Татар заманы"