Чаллыда Коръән уку буенча 16 нчы бәйге үткәрелде

Билгеле булганча, Чаллы шәһәрендә ел аша уздырыла торган Коръән уку буенча 16нчы бәйге үткәрелде. Бу мәҗлескә Камскарты регионыннан гына түгел хәтта Удмуртия, Киров өлкәсе, Башкортостаннан да балалар җыела.

Быел исә конкурста Альметевск, Алабуга, Түбән Кама, Норлат, Агрыз, Лениногорск, Чистай, Балык Бистәсе, Мөслим, Балтач, Теләче, Кукмара, Актаныш, Сарман, Арча районнары һәм шәһәрләреннән балалар җыелды. Иң яшь төркем арасында Кыргызстаннан 9 яшьлек Мөхәммәдәмин Әюпов беренчелекне алды.

Конкурс җиңүчеләре булып Әлмәт шәһәренең катнашучылары билгеләнде. Алардан соң 8 призлы урыннар булды. Бик яхшы әзерлекне Түбән Кама, Удмуртия, Чаллы шәһәре балалары күрсәтте.Иң яшь катнашучы булып Кукмарадан 3 яшьлек Абдулкәрим Шәфигуллин, Алабугадан 4 яшлек Адилә булдылар. 7 яшькә кадәрге категориядә катнашучылар арасында беренче урынны Мөслим районыннан Ләйлә Низамиева яулады.

Җиңүчеләр диплом, «Чаллы-икмәк» җәмгыяте күчтәнәчләре һәм акчалата приз белән бүләкләнде. Барлык катнашучылар өчен бәйрәм табыны әзерләнде. Билгеләп үтәргә кирәк, катнашучылар — гап-гади балалар. Алар Коръән укырга буш вакытларында өйрәнгәннәр. Көндезге бүлек шәкертләре бәйгегә кертелми.Чаллы шәһәренең рәсми сайтында әйтелгәнчә, бу традициягә әйләнә башлаган конкурс ел саен 4 яшь категорияләре арасында үткәрелә. Җиңүчеләр баллар системасы аша билгеләнә.