Башкортстан Республикасының дин эшлеклеләре Кувейтта белем бирә торган курслар үтеп кайтты

11 марттан 18 мартка кадәр Башкортстан Республикасының дин эшлеклеләре Кувейтта белем бирә торган курслар үтеп кайтты. Хезмәттәшләр алдында доктор Әхмәт Әл-Хаҗи Әл Кудри (45 томлык Ислам хокуклары буенча хәзерге заман энциклопедия хезмәтенең алып баручы белгече, Кувейт Дәүләтенең фәтвалар чыгаручы Палата әгъзасе), Мөхәммәд Әбү Әл-Фәтх Әл-Баянуни (фикһ өлкәсе буенча танылган белгечләрнең берсе, күп кенә фәнни хезмәтләр авторы), доктор Мотлак Әл-Карави ( Кувейт Дәүләтенең Вакыфлар министрлыгының алып баручы белгечләренең берсе).

Лекцияләр түбәндәге темалар буенча барды: «Мәзһәблек феномены һәм үзара тәэсир итешү ысуллары», «Фәтваларны чыгаручы принципиаль торышлар», «Исламда өстенлек проблемасы», «Пәйгамбәр мирасы: намус һәм җаваплылык», һәм башкалар. Курслар тәмамлангач төркем белән Вакыф эшләре министрының урынбасары доктор Гадел Абдуллах Әл-Фалях очрашты.

Ул кунакларга Халыкара үзәкнең эшчәнлеге турында сөйләде һәм курслар үтү сертификатларын тапшырды. Курслар тәмамлану хакына оештырылган тантанада Башкортстан Республикасының Дин башлыклары исеменнән БР МДН рәисе урынбасары Руслан хазрат Саяхов сәламләү сүзләре белән чыгыш ясады, дип хәбәр итә БР МДН (www.dumrb.ru).