Уфада мөселман гаиләсе “Ана даны” медален алды

Узган атнада Башкортстан Хөкүмәте йортында Уфада яшәүче күп балалы мөслимә Гөлшан Кабиловага «Ана даны» медале тапшырылды.

«Вести-Уфа» агентлыгы хәбәр итүенчә, Кабиловлар гаиләсендә 7 бала: 6 кыз һәм бер малай тәрбияләнә. Иң олы кызга-14, кечесенә -2 яшь.

Ирегез белән моның кадәрле күп балага ничек тәвәккәлләргә булдыгыз дигән сорауга Гөлшан ханым тыйнак кына елмайды. «Үземнең тыйнак тормышымны шушы балалар бакчасыннан башка күз алдына да китерә алмыйм. Аннары балаларым миңа һәр эшемдә ярдәм итә. Олырак балалар үзләренең кече туганнарына өй эшләрен үтәргә, дәресләр хәзерләргә булыша»,-дип сөйләде күп балалы ана.

Гаилә башлыгы Бәхтыяр бу мәсьәләдә үзенең хәләл җефете белән тулысынча килешә. Ул үзенең хезмәт хакы һәм дәүләтнең социаль ярдәме фатирга түләргә дә, кием һәм ризык алырга да җитүен әйтте. Шуңа күрә ир белән хатын ирешелгәннәрдә дә тукталып калырга җыенмыйлар.

7 бала әле алар өчен чик түгел. Якын араларда аларның гаиләсе тагын да ишәер, дип көтелә. «Мин үзем дә, хәләл җефетем дә күп балалы гаиләдә үстек. Шуңа күрә 7-8 бала һәм аннан да күбрәк сабый безгә авыр мәсьәлә түгел, ә аларны карау, тәрбияләү -шатлык һәм бәхет»,-ди гаилә башлыгы, дип хәбәр итә www.islamrf.ru агентлыгы.