Казандагы “Сөләйман” һәм Казахстандагы “Зәм-Зәм” хезмәттәшлекне җайга сала

Казандагы «Сөләйман» һәм Казахстандагы «Зәм-Зәм» хезмәттәшлекне җайга сала

Казандагы «Сөләйман» мәчете әһелләре һәм Казахстанның инвалидларны тернәкләндерү буенча «Зәм-Зәм» иҗтимагый берләшмәсе вәкилләре үзара элемтәләрне ныгытырга кереште. Бу көннәрдә «Сөләйман» мәчетенә Укыту-тернәкләндерү үзәге , Сукырларның мөселман китапханәсе эше, бу гыйбадәтханә каршында Брайль телендә басылган китаплар белән танышу өчен Алма-Атадан бер төркем делегация килде.

Исегезгә төшерәбез: «Зәм-Зәм» тернәкләндерү үзәге 2007 елдан башлап хәйрия эшчәнлеге белән шөгыльләнә. Бу үзәк өч ай элек күзләре күрмәүче инвалидларга Брайльчә язылган Коръәнне укырга өйрәтә башлады.

«Казахстанда саңгырау һәм сукыр мөселманнарны укыта торган үзәк юк иде. Казан мәчетенең бу өлкәдәге тәҗрибәсе безнең өчен бик файдалы булачак»,- ди Тернәкләндерү үзәге рәисе Руслан Мәмәутов.

«Сөләйман» мәчете каршындагы Тернәкләндерү үзәге Россиядә Коръәнне Брайль системасында укырга өйрәтүче бердәнбер оешма. Биредә инвалидларны компьютердан файдаланырга, башкалар ярдәменнән тыш йөрү кагыйдәләренә дә өйрәтәләр.

Бүген исә мөхтәрәм кунаклар Гашурә бәйрәме уңаеннан мәчеттә үткәрелгән авыз ачу-ифтар мәҗлесендә катнаштылар. Кайбер чыганаклардан алынган мәгълүматларга караганда, бу көнне Пәйгамбәребез заманында ук билгеләп узганнар. Теләге булган һәркем мәчеткә ифтарга килә ала.