Майкоп солдатлары мәчеткә җомга намазына бара ала

«Юга» агентлыгыннан алынган мәгълүматларга караганда, Адыгейдагы мөселман солдатларына җомга намазларына мәчеткә барып гыйбадәт кылырга рөхсәт ителгән. Бу хакта Адыгей һәм Краснодар Диния нәзарәтләре белән Майкоп хәрби частьләре арасында килешү төзелгән.

Адыгей һәм Краснодар МДНе җитәкчесе Нурби Емижнең сүзләренчә, узган җомгада Майкоп җәмигъ мәчетендәге намазда 70гә якын солдат катнашкан.

«Алар башка мөселманнар белән намаз укыдылар, аннары алар белән әңгәмә үткәрделәр, егетләрнең күп санлы сорауларына җаваплар бирделәр. Бу исә солдатларның үзләренә дә, армиягә дә файдага булыр», — диде Нурби хәзрәт. Имамның әйтүенчә, Майкопта хезмәт итүче солдатларга үз частьләрендә намаз уку өчен зур булмаган бүлмә бирелгән,ә Диния нәзарәте әһелләре аларга берничә Коръән китабын, «Свет» газетасын бүләк иткән.

Россия армиясендә хезмәт итүче солдатларга моңа кадәр дә гыйбадәт кылырга мөмкинлек бирелү очраклары бар иде. Әйтик, Тольяттида хезмәт итүче мөселман егетләренә Корбан бәйрәме вакытында шәһәр мәчетендә намаз уку рөхсәт ителгән. Моның өчен хәтта махсус автобус та бирелгән.

Исегезгә төшерәбез: Тольяттидагы үзәк мәчеттә Ислам динен кабул итүгә 1000 ел исемендәге Казан югары мөселман мәчетендә укып белем алган дин әһелләре имамлык кыла.

«Юга» агентлыгыннан алынган мәгълүматларга караганда, Адыгейдагы мөселман солдатларына җомга намазларына мәчеткә барып гыйбадәт кылырга рөхсәт ителгән. Бу хакта Адыгей һәм Краснодар Диния нәзарәтләре белән Майкоп хәрби частьләре арасында килешү төзелгән.

Адыгей һәм Краснодар МДНе җитәкчесе Нурби Емижнең сүзләренчә, узган җомгада Майкоп җәмигъ мәчетендәге намазда 70гә якын солдат катнашкан.

«Алар башка мөселманнар белән намаз укыдылар, аннары алар белән әңгәмә үткәрделәр, егетләрнең күп санлы сорауларына җаваплар бирделәр. Бу исә солдатларның үзләренә дә, армиягә дә файдага булыр», — диде Нурби хәзрәт. Имамның әйтүенчә, Майкопта хезмәт итүче солдатларга үз частьләрендә намаз уку өчен зур булмаган бүлмә бирелгән,ә Диния нәзарәте әһелләре аларга берничә Коръән китабын, «Свет» газетасын бүләк иткән.

Россия армиясендә хезмәт итүче солдатларга моңа кадәр дә гыйбадәт кылырга мөмкинлек бирелү очраклары бар иде. Әйтик, Тольяттида хезмәт итүче мөселман егетләренә Корбан бәйрәме вакытында шәһәр мәчетендә намаз уку рөхсәт ителгән. Моның өчен хәтта махсус автобус та бирелгән.

Исегезгә төшерәбез: Тольяттидагы үзәк мәчеттә Ислам динен кабул итүгә 1000 ел исемендәге Казан югары мөселман мәчетендә укып белем алган дин әһелләре имамлык кыла.