Сергей Миронов 2013 елгы Универсиада корылмаларында булды

Россия Федерациясе Советы башлыгы Универсиада авылында булды һәм Бөтендөнья студентлар уеннары объектларын карады

(Казан, 2 декабрь, «Татар-информ»). Бүген Россия Федерациясе Советы башлыгы Сергей Миронов ТР Дәүләт Советы Рәисе Фәрит Мөхәммәтшин, РФ Федерациясе Советының ТР әгъзалары һәм башка рәсми затлар озатуында 2013 елгы Универсиада авылында һәм Бөтендөнья студентлар уеннары объектлары «Буревестник» бассейнында һәм Казан теннис академиясендә булды.

Универсиада авылында Федерация Советы спикеры студентлар кампусын карады һәм алар белән аралашты. Яшьләр бүлмәләрендә барлык шартлар тудырылудан канәгать булуларын белдерде: ванна, аш бүлмәсе бар, Интернет тоташтырылган. Комплексларның берсендә кунакларга интернет-клуб, видеозал һәм башка бүлмәләрне күрсәттеләр.

Сентябрьдә авылга Казан вузларында укучы 2 мең студент урнаштырылган булуын ассызыклады, — «2013 елгы Универсиада авылы дирекциясе» автономияле коммерцияле булмаган оешма директоры Владимир Леонов.

Федерация Советы башлыгы Универсиада авылында булганнан соң Җиңү паркында Дан мемориалы колоннадасындагы Мәңгелек утка чәчәк салды.

Аннары Сергей Миронов белән Фәрит Мөхәммәтшин Крестовоздвижение храмының ирләр Богородица монастырендә булды.

Сергей Мироновның Казанга визит программасы ТР Дәүләт Советында республика парламенты, Казан шәһәре Думасы депутатлары, ТР Дәүләт Советы каршындагы Иҗтимагый яшьләр палатасы вәкилләре белән очрашуда дәвам итә. Бу хакта Татар — Информ җиткерә