Ислам “Ярдәм” фонды “Күзе күрмәүчеләргә микроавтобус бүләк ит” дигән чара игълан итә

Милли «Ярдәм» ислам хәйрия фонды «Сөләйман» мәчете каршындагы Укыту — тернәкләндерү үзәге әһелләре белән берлектә «Күзе күрмәүчеләргә микроавтобус бүләк ит» дигән акция игълан итте. Бу чара Укыту-тернәкләндерү үзәге шәкертләренә хәрәкәт итү чыганагы алу максатыннан уздырыла.

Бу үзәктә хәзерге вакытта Татарстанның төрле районнарда яшәүче йөздән артык гаилә исәптә тора. Искергән бердәнбер микроавтобус аларга җөмһүриятебез буйлап азык –төлектән торган бүләкне ташу өчен файдалана. Болардан тыш, «Сөләйман» каршындагы Тернәкләндерү үзәге күзләре күрмәүчеләргә даими экскурсияләргә йөрүне оештыра. Шәкертләр «Кол Шәриф» мәчетенә, Г. Камал исемендәге Татар дәүләт академия театрына яратып йөриләр. Быел исә Бетенроссия сукырлары җәмгыятендә исәптә торучы 50 дән артык инвалид «Изге Болгар җыены»на барды.

Мәчеттәге иске автобусның еш ватылуы нәтиҗәсендә инвалидларны дару һәм продукция белән тәэмин итүдә өзеклек килеп чыга, Казан буйлап үткәреләсе экскурсияләр башка выкытка күчерелә.

Күзләрен югалткан авыру һәм өлкән яшьтәге кешеләр җәмәгать транспортында йөри алмыйлар.

Мөхтәрәм җәмәгәть! Сез ярдәмгә мохтаҗ, авыру инвалидларның хәленә керсәгез иде. Алар сезнең ярдәмгә мохтаҗ. Сез аларга шатлык бүләк итә аласыз.

Сез бу изге эштә хәлегездән килгән кадәр үз өлешегезне кертә аласыз. Безнең үтенечне тулаем яисә өлешчә үтәргә теләк белдереп, уңай карар кабул итсәгез, акчагызны мондый реквизитлар буенча җибәрүегезне сорыйбыз:

Получатель: НИБФ «Ярдэм»

ИНН 1658087725

КПП 165801001

БИК 049205815

ОГРН 1071600003530

р/с 40703810800000000289

к/с 30101810100000000815 в ОАО АИКБ «Татфондбанк» г. Казань.

Назначение платежа: Благотворительная помощь на покупку микроавтобуса для незрячих.