Россия Президенты Дмитрий Медведев Кремльдә Катар әмире Хәмәд бән Хәлифә әл-Тани белән очрашты

«Россия–Катар мөнәсәбәтләре тотрыклы үсеш ала, соңгы араларда алар бигрәк тә динамик һәм үзара файдалы була башлады», — дип ассызыклады Россия дәүләте башлыгы. Ул «мөнәсәбәтәрнең икътисадый һәм төбәкара мөнәсәбәтләре» темасын кузгатырга тәкъдим итте. Медведев шулай ук Россиядә Катар әмиренең «кызыклы очрашулары узды» дип билгеләп узды. «Сезнең Россиягә килүегезнең вакыйгаларга бай һәм продуктив булуына ышанам», — дип тә өстәде ул.

Хәмәд бән Хәлифә әл-Тани ассызыклап узганча, аның иле «Россия белән икътисадый хезмәттәшлек үстерү турында кызыксына».

Ул инде Россия Федерациясе Премьер-министры Владимир Путин һәм «Газпром» идарәсе рәисе Алексей Миллер белән «мавыктыргыч очрашулар» үткәргәнлеген хәбәр итте. «Барлык очрашулар да позитив башлангычта узды, — дип өстәде ул. — Без, Россия ия булган тарихи мирасны да кертеп, мәдәни өлкәдәге мөнәсәбәтләр турында да сөйләштек, без әлеге өлкәдәге мөнәсәбәтләрнең үсеше белән кызыксынабыз». «Халыкара өлкәдәге координациягә килгәндә исә, ул куәтләнә һәм үсеш ала, Палестина проблемасына концентрацияләнү кирәк дип исәплим», — дип китерә «Итар-тасс» Катар әмире цитатасын.